Најдобрите цитати на Фредерик Бегбеде, циничниот француски романтичар

„Мажите постојано се наоѓаат помеѓу некоја поранешна и идна девојка, бидејќи не се интересираат за сегашната. Тие претпочитаат да се шетаат помеѓу носталгијата и надежта, меѓу загубата и сонот. Засекогаш сме заглавени меѓу две отсутни жени“.

Ова е само мал дел од „исповедите“ на еден од најпопуларните современи француски автори Фредерик Бегбеде. Неговите романи се прелиени со зајадлива иронија, цинизам и провокации.

На македонската читателска публика ѝ е познат по книгите „Љубовта трае три години“, „Романтичен егоист“, „399“, „Француски роман“, „Уна и Селинџер“.

Без влакна на јазикот, искрен и без преувеличување на нештата, Бегбеде нестандардно ги елаборира сите стандардни теми на светот – животот, љубовта, жените, парите.

Прочитајте неколку од неговите најдобри цитати:

 1. После сè што луѓето имаат направено за Господ, најмалку што може тој да направи е да постои.

 2. Колку повеќе заработувам, толку помизерен станува мојот живот.

 3. Осаменоста стана страшна болест. Луѓето ја одбегнуваат бидејќи осаменоста те тера да размислуваш.

 4. Љубовта трае 3 години–ова е законот на природата.

 5. Денес, оние кои имаат пари немаат време, оние кои имаат време немаат пари.

 6. Смртта е единствениот состанок кој не ни е закажан во роковникот.

 7. Среќата е многу пострашна од депресијата.

 8. Најчудесното нешто во животот е тоа што продолжува понатаму.

 9. Идиотите сакаат комплименти, интелигентните преферираат критики.

10. Го научив главното, со цел да бидеш среќен прво мора да бидеш екстремно депресивен.

11. Вистината е секогаш разочарувачка, поради што сите луѓе лажат.

12. Оние кои зборуваат против љубовта се истите кои имаат најмногу потреба од неа.

13. Сè е привремено и сè е на продажба. Како и сè друго и човекот е производ со рок на траење.

14. Еврото беше специјално измислено да направи високиот приход на богатиот да изгледа шест пати поскромно.

15. Целиот проблем со љубовта е токму во тоа: за да бидеш среќен ти треба сигурност, а за да си вљубен ти треба несигурност.

(О)Милена | Црнобело