Научила да шие во дом за сираци и уште 8 факти за Коко Шанел


Научила да шие во дом за сираци и уште 8 факти за Коко Шанел

Познатата модна икона никогаш не го изгуби своето силно влијание врз стилот и убавината, но и општо врз модата денеска.

nekolku-neshta-shto-ne-gi-znaevte-za-legendarnata-koko-shanel-01.jpg

Но, дали знаевте дека научила да шие во дом за сираци и дека водела децениски спорови за нејзините парфеми?

Доколку сте љубител на брендот Шанел, овие факти ќе ве изненадат:

Таа научила да шие во дом за сираци

Габриел Шанел е родена на 19 август 1883 година. Нејзината мајка починала кога таа имала 12 години, а татко ѝ ги сместил нејзе и нејзините сестри во католички дом за сираци. Таа таму научила да шие.

Прекарот Коко доаѓа од нејзината кратка музичка кариера

По напуштањето на домот, таа работела во кројачница, но бргу потоа почнала да пее во нешто налик кабаре, а била позната по две песни: „Ko Ko Ri Ko“ и „Qui qu'a vu Coco dans l'Trocadero?“. Кога публиката ја барала, извикувала „Коко! Коко!“

nekolku-neshta-shto-ne-gi-znaevte-za-legendarnata-koko-shanel-02.jpg

Изработувала и продавала женски шапки

Во 1910 година го отворила бутикот за шапки „Шанел мод“, а целиот асортиман го изработувала токму таа. Парите ги добила од богатиот Етиен Балсан, на кого Коко му била љубовница. Популарноста на нејзините шапки ја започнала познатата француска актерка Габриел Дорзија.

Сама го дизајнирала познатото лого

Од 1924 до ден-денеска, логото на брендот Шанел воопшто не е сменето. Таа самата го дизајнирала и иако се поклопува со иницијалите, постојат и многу теории дека е копија на друго лого, но и дека тоа се вкрстени букви од нејзинито и името на нејзината најголема љубов, Артур Капел, кој загинал во сообраќајка.

nekolku-neshta-shto-ne-gi-znaevte-za-legendarnata-koko-shanel-03.jpg

„Шанел 5“ е резултат на лабораториска грешка

Парфимеристот Ернест Бо креирал серија од мириси, од кои тој што е нумериран со 5 најмногу ѝ се допаднал на Коко. Друга легенда вели дека бројот 5 бил нејзин среќен број. Но, без разлика на тоа, планот бил да се креира мирис со јасмин, роза, сандаловина и ванила, но по грешка била додадена и поголема доза на алдехид. Токму алдехидот бил одговорен што овој мирис и денеска е еден од најомилените и најпродаваните во светот.

За „Шанел 5“ се воделе судски спорови

Коко склучила договор со бизнисменот Пјер Вертхајмер кој се согласил масовно да го произведува парфемот, но и да го зема најголемиот дел од профитот. Таа добивала само 10% од продажбата, додека останатите 20% ги добивала продавницата каде првично се продавал. До крајот на својот живот таа се борела за својот продукт, но Вертхајмер имал адвокат чија единствена задача била да оди против Коко Шанел на суд.

nekolku-neshta-shto-ne-gi-znaevte-za-legendarnata-koko-shanel-04.jpg

Винстон Черчил ѝ бил добар пријател

Таа имала многу познати пријатели, насекаде. Еден од нив е и Винстон Черчил, кого го запознала преку својот тогашен љубовник, војводата од Вестминстер.

Иако имала многу врски и афери, никогаш не се омажила

Покрај модата, Шанел е позната и по своите афери. Меѓу нејзините познати љубовници се и Пабло Пикасо, војводата од Вестминстер и композиторот Игор Старвински.

Коко Шанел е одговорна и за популарноста на малиот црн фустан

Безвременското модно парче ја должи својата популарност и на самата Коко Шанел. Во нејзините колекции малиот црн фустан го имало во најразлични форми и модели, што само по себе било револуција, бидејќи дотогаш црната боја била сметана за боја на жалоста.

Е. Д. | Црнобело

Би можело да ве интересира:

Одри Хепберн го преживеала периодот на гладување: Интересни факти за л... Теориите на заговор, лажните верувања и озборувањата постоеле отсекогаш, само шт...
Првата елка била од гускини перја со зелена боја - 10 интересни факти ... Иако Божиќ е секогаш поврзан со традицијата и религијата, сепак има многу интере...
Се облекува како момче, сака да ја викаат Џон: 10 факти за Шајло, ќерк... Биолошката ќерка на познатите актери живее и функционира по свои правила и од до...