„Додека вистината да ги обуе чевлите, лагата веќе го пропатувалa половина свет“ - Што рекле познатите за лажењето?

Не ми е криво што ме лажеш, криво ми е што мислиш дека ти верувам, е една од изреките коишто најчесто ги слушаме помеѓу луѓето. Велат дека на лагата ѝ се кратки нозете, но некои луѓе успеваат целиот живот да го поминат со лаги и на некој чудесен начин на крајот успеваат да си поверуваат во истите.

Прочитајте што рекле познатите личности за лагите и лажењето:

1. „Ако за тебе се зборува лошо и ако е тоа вистина, поправи се, но ако тоа е лага, смеј се.“ – Епиктет

2. „Оној кој нема добро памтење не треба да се впушта во лажење.“ – Мишел Екем де Монтањ

3. „Многумина од лажењето и измамите направија занает лажејќи го наивниот народ“ – Леонардо да Винчи

4. „Да не заборавиме дека насилството не живее само, дека е неспособно да живее само: тоа е интимно поврзано со лагата. Насилството го наоѓа своето единствено прибежиште во лагата, а лагата својата единствена поддршка во насилството. Секој човек кој го избрал насилството како средство несомнено мора да ја избере и лагата како правило.“ – Александар Солжењицин

5. „Додека вистината да ги обуе чевлите, лагата веќе го пропатувала половина свет.“ – Марк Твен

6. „Лажливците главно сакаат да се фалат кога ќе сфатат дека нема никој којшто може да им смета во тоа.“ – Езоп

7. „Не смее да се употреби никаква лага, дури ни за доброто на земјата.“ – Махатма Ганди

8. „Пристојноста понекогаш изискува лага.“ – Максим Горки

9. „Судбина на лажливците е да не им се верува и кога ја зборуваат вистината.“ – Аристотел

10. „Крадецот почнува така што прикажува како лагата наликува на вистината, а завршува така што прикажува како вистината наликува на лага.“ – Оноре де Балзак

11. „Лагата е како топка снег. Колку подолго се тркала, толку поголема станува, но кога ќе застане ќе се растопи.“ – Мартин Лутер Кинг

13. „Лагите не мамат долго.“ – Софокле

14. „Оној што сам себе се лаже и ги слуша своите лаги, ќе стигне до таму да веќе нема да ги познае вистините ниту во себе, ниту околу себе, туку следствено ќе престане да се почитува себе и другите.“ – Фјодор Михајловиќ Достоевски

15. „Лагата којашто се изговара премногу често станува вистина.“ – Владимир Илич Ленин

(О)Милена | Црнобело