Одри Хепберн јадела лалиња – Факти за старите холивудски актери кои звучат нереално

Го замислуваме животот на холивудските филмски sвезди како гламурозен и привилегиран. Но истиот понекогаш може да биде толку чуден и бизарен, што повеќе потсетува на сценарио на некој филм. 

Ова се неколку неверојатни, но вистински факти за познатите актери на старата ера, во кои нема да верувате:

Дали Ширли Темпл навистина била дете?

Многумина се прашувале дали Ширли Темпл навистина била дете, бидејќи никој не можел да верува дека една млада девојка може да биде толку талентирана за глума, танцување и пеење.

Поради ова била популарна теоријата дека Темпл, всушност, не била дете, туку џуџе. Наводно поради оваа теорија бил ангажиран и Ватикан да го испита случајот.

Силвио Масанте, кој бил испратен од Ватикан, требало да испита дали Ширли е навистина дете.

Одри Хепберн јадела лалиња

За да го преживее гладот за време на германската инвазија на Холандија, за време на Втората светска војна, Одри јадела лалиња и коприви. Во тоа време била висока 1,67 и тежела само 40 килограми.

Покрај тоа, страдала и од жолтица. Подоцна страдала од анемија, најверојатно заради овој тежок период за време на војната.

Елизабет Тејлор му го спасила животот на Монтгомери Клиф

После грозоморната сообраќајна несреќа во која Монтгомери Клиф бил сериозно повреден, прва му помогнала неговата колешка и пријателка, Елизабет Тејлор. Неговата глава била толку отечена што станала широка како неговите рамена.

Бидејќи тешко зборувал, Тејлор сфатила дека се гуши, поради скршените заби, поради што му ги извлекла од душникот. Брзата помош пристигнала 45 минути подоцна.

Грета Гарбо сакала да го застрела Хитлер

Грета Гарбо му била омилената актерка на Адолф Хитлер. Тој честопати ја поканувал да го посети во Германија, но Грета го презирала. Таа изјавила дека ако некогаш отиде да го види, ќе извлече пиштол од чантата и ќе го убие.

Џејмс Дин бил против брзото возење

Само еден месец пред да загине во сообраќајна несреќа, талентираниот, млад актер снимил реклама во која ги поттикнувал младите да внимаваат на сообраќајот, да се придржуваат кон прописите и да возат побавно.

Ашера | Црнобело