Го намалува ризикот од разни видови рак и уште 14 забавни информации за вегетаријанството

Истражувањата покажале дека кај вегетаријанците не се јавува недостаток од протеини, а притоа нивниот начин на исхрана го намалува ризикот од дијабетес, па дури и од рак.

interesni-fakti-za-vegetarijanstvoto-shto-verojatno-ne-ste-gi-znaele-01.jpg

Вегетаријанскиот начин на исхрана станува сè попопуларен. Многу луѓе одлучуваат да се откажат од јадењето месо, некои поради нивното здравје, а некои поради љубовта кон животните.

Како и секој начин на исхрана, и вегетаријанството има свои предности и недостатоци.

Во продолжение, неколку факти за вегетаријанството што веројатно не сте ги знаеле:

1. Вегетаријанството потекнува од древните индиски и грчки филозофии. Во Индија, вегетаријанството потекнува од верувањето дека не треба да се повредуваат живите суштества – ниту луѓето, ниту животните. Кај Грците, пак, вегетаријанството имало ритуални и медицински цели.

2. Еден од првите вегетаријанци во светот (за кои се знае) е Питагора, кој живеел во 6-тиот век пред наша ера. Сигурно сте слушнале за овој филозоф и математичар кога сте ја изучувале питагоровата теорема.

3. На почетокот, овој начин на исхрана се нарекувал „питагорова диета“, а зборот „вегетаријанец“ се појавил дури во 19-тиот век.

4. Луѓето стануваат вегетаријанци од разни причини – здравствени, политички, еколошки, културолошки, па дури и економски. Сепак, најчестата причина е љубовта кон животните.

5. Некои истражувања покажале дека вегетаријанскиот начин на исхрана го намалува ризикот од разни видови рак, но и дека е добар за срцето и коските. 

interesni-fakti-za-vegetarijanstvoto-shto-verojatno-ne-ste-gi-znaele-02.jpg

6. И познатиот Леонардо да Винчи се залагал за вегетаријанството. Всушност, уметникот бил „тврдокорен“ веган и сметал дека луѓето немаат право да ги јадат животните.

7. Како што напоменавме, и вегетаријанството има свои недостатоци. Најчестиот проблем со кој се соочуваат вегетаријанците е недостаток на витамин Б12 и омега-3 масни киселини. Но, ова лесно се решава со додатоци во исхраната. 

8. Спротивно на популарното верување, кај вегетаријанците нема значајно намалување на количината протеини што се внесуваат во организмот. Ова значи дека вегетаријанскиот начин на исхрана ги задоволува потребите за протеини на телото.

9. Знаевте ли дека и Адолф Хитлер бил вегетаријанец? Тој дури верувал дека овој начин на исхрана ги прави луѓето поиздржливи.

10. Индија е државата во која има најмногу вегетаријанци по глава на жител. Околу 35% од населението се вегетаријанци.

interesni-fakti-za-vegetarijanstvoto-shto-verojatno-ne-ste-gi-znaele-03.jpg

11. Според едно истражување, децата со поголем коефициент на интелигенција е поверојатно дека ќе станат вегетаријанци.

12. 20-годишно истражување ја споредило стапката на смртност на луѓе кои јадат и луѓето кои не јадат месо. Резултатите покажале дека оние кои јаделе месо, почесто умирале од „модерни болести“, како дијабетес, проблеми со срцето и рак на дојката. Оние кои избегнувале храна од животинско потекло или воопшто не ја консумирале, биле поздрави.

13. Некои од најпознатите вегетаријанци/вегани денес се Леонардо ди Каприо, Бред Пит и Хоакин Феникс.

14. И покрај сите предности од вегетаријанството, некои истражувања покажале дека еволуцијата на нашите мозоци би била невозможна ако луѓето секогаш јаделе само растителна храна. Односно, јадењето месо било клучно за човечката еволуција.

15. Англија и Италија се европските држави во кои има најмногу вегетаријанци – нешто помалку 6% од населението во овие земји го следи овој начин на исхрана.

Спирова С. | Црнобело

Би можело да ве интересира:

Некои пијавици имаат 32 мозоци и уште 9 забавни факти што ќе ве изненадат Знаевте ли дека можете да го спасите забот кој ви паднал поради удар или некоја ...
„Дами, престанете да доаѓате на забар со кармин на вашите усни“ – што ги нервира луѓето според нивна... Низ светот постојат навистина голем број на професии и секоја од нив се одликува...
Се „нафрлил“ врз неа по првата средба, сакала да ја откаже свадбата - Помалку познати детали од врск... Се запознале кога таа имала само 16 години, а нејзината сестра рекла дека не би ...

Најчитани неделава

sonovnik-sidebar.jpg