40 години од смртта на Јосип Броз Тито - потсетете се на неговите најдобри изреки

На денешен ден во 1980-та година, доживотниот претседател на Социјалистичка Федеративна Република Југославија го загуби животот и го зави својот народ во тага.

Поминаа 40 години од најтажното неделно попладне, кога било соопштено дека „И покрај преземањето на сите неопходни мерки... Јосип Броз Тито почина во 15,05 часот“.

Тој беше на чело на Југославија 27 години, важеше за народен херој и лидер на кој и ден-денес сите се сеќаваат, а многумина и посакуваат да се вратат во „неговото време“.

Во продолжение, се потсетуваме на некои од неговите најдобри и засекогаш запомнети изреки:

„Работиме како да ќе живееме 100 години, се подготвуваме како утре да има војна.“

„Мирот е над сѐ и сѐ останато мора да биде потчинето.“

„Ниту една наша република не би била никој и ништо, ако не сме сите заедно.“

„Среќна е земјата која има таква младина.“

Фото: depositphotos.com

„Нашето богатство не се само фабриките и патиштата. Наше богатство е човекот, новиот човек, социјалистичкиот човек.“

„Слободата на човекот не е само правото слободно да го изразува своето мислење, туку пред сѐ, правото и можноста човекот уверено да одлучува по сите прашања од својот живот.“

„Не треба секогаш да се гледа само масата, туку треба да се гледа секој поединец, треба да се види, почувствува и разбере тешкотијата со која секој поединец се бори, треба да се настојува да му се помогне и мора да му се помогне.“

Потсетете се на уште 9 цитати на едниот и единствен Јосип Броз Тито

М. М. | Црнобело