„Децата не се боенки, не ги пополнувајте со вашите омилени бои“ – најмудрите цитати за нашите најсакани малечки

Децата се најдоброто нешто на светот. Сигурни сме дека сите родители се убедени во тоа. Дечињата зрачат со смеа, наивност, чисти срца и души…

Некои работи во животот можат да се видат само преку очите на децата. Прочитајте ги најинтересните цитати за децата и запомнете – никогаш не губете го детето во вас:

Малите деца не ти даваат да спиеш, а големите да дишеш.

Доколку ги решите сите проблеми на своите деца, тие нема да имаат ниту еден друг проблем освен вие.

Не треба да се учи детето со сила, туку преку игра.

Очекувај го од своите деца во староста она што сам си му го правел на својот татко.

Првите солзи на детето се молби, но доколку не ги спречите наскоро ќе станат наредби.

Паметните родители им дозволуваат на своите деца понекогаш и да погрешат.

Од памтивека, синовите се понеразумни од татковците, но за среќа, синовите стануваат разумни во моментот кога самите ќе станат татковци.

Кој ќе ги научи децата да се задоволуваат со малку, ќе им остави многу повеќе од богатство.

До петтата година детето е твојот господар, до десеттата твојот слуга, од десеттата до петнаесеттата година твојот таен сојузник, а потоа станува твој пријател или непријател.

Кој нема грижи, нека го ожени синот.

Има навистина многу сиромашни дечињa на коишто родителите, освен пари, не можеле да им дадат ништо друго.

Постојат три работи што децата можат да ги научат од децата: да бидат среќни без причина, да бидат секогаш зафатени со нешто и да се стремат со сите сили кон она што го сакаат.

Децата треба да се научат како да размислуваат, а не што да мислат.

Најинтересните информации доаѓаат од децата затоа што тие кажуваат сè што знаат, а потоа престануваат.

Нашата задача не е да ги зацврстуваме децата да бидат подготвени за суров и бездушен свет. Нашата задача е да одгледаме деца кои ќе го направат овој свет малку подобар.

Децата не се боенка. Не ги пополнувајте со вашите омилени бои.

Да се види чудото на животот преку очите на детето е да се доживее најголемото задоволство на светот.

(О)Милена | Црнобело