Венчавка на змии, пловечки села: 18 факти за животот во мистичната Камбоџа

Јадат змии, но и тарантули, некои Камбоџанци стапуваат во брак за да заработат пари од свадбата и уште низа забавни факти за оваа азиска земја.

Камбоџа сигурно не е првото место за одмор што ќе ви падне на ум, но љубителите на авантури можеби ја имаат на својот список со посакувани земји за посета.

Сонцето грее во текот на целата година, има превкусно тропско овошје и рајски острови со бел песок и кристална вода што личат на Малдиви.

Факти за животот во оваа мистична, мала, азиска земја:

Насекаде владее чувство на мир и хармонија.

Азиската кујна е позната по јадењата со инсекти, па Камбоџа не е исклучок. Се јадат и пржени змии, скорпии, а егзотичен специјалитет им се пајаците тарантула.

Жителите на оваа земја се будисти и секогаш внимаваат каде газат за да не згазат некој свој предок кој се реинкарнирал во мравка на пример.

Организираат дури и прослави и церемонии за животните, како на пример свадбата помеѓу два питони која се одржа во близина на главниот град Пном Пен. Локалците верувале дека двете змии во претходниот живот биле луѓе кои биле во брак, па сега ги венчале со сите почести.

На свадбите се даваат многу пари, па затоа се случува често момче и девојка да се земат за да заработат и да си ги поделат парите и потоа се разведуваат брзо за во иднина пак да направат свадба.

Нова Година им е еден од најголемите празници и слават од 13 до 16 април кога посетуваат храмови и кажуваат благослови за да привлечат добра енергија и среќа.

Уште 6 факти на следната страна...