Не менувај боја на коса пред важен настан - Женски „правила“ за посреќен живот

Во деновите кога ви треба мало освестување и „шлаканица“ од животот која ќе ве врати во реалноста, ви требаат овие правила и потсетници за посреќен живот.

Едноставни, лесни за паметење, а исклучително точни во секој период и дел од животот:

1. Не паничи. Застани, диши, мисли.

2. Никој не мисли на тебе. Сите мислат на себе, баш како и ти.

3. Никогаш не ја менувај фризурата или бојата на косата пред важно случување.

4. Ништо не е толку лошо и толку добро како што изгледа.

5. Подобро купи една работа која ти се допаѓа, отколку 3 евтини кои половично ти се допаѓаат.

6. Тајната на успехот е во тоа како се опоравуваш од неуспехот.

7. Биди искрена. И добра.

8. Купувај го само она во што би заиграла.

9. Верувај им на своите инстинкти, не на бујната фантазија.

10. Не очекувај светот да биде безбеден, а животот праведен.

11. Понекогаш мора да ги пуштиш работите да одат по својот тек.

12. Не жали за ништо.

13. Ако случајно почнеш да жалиш за нешто и си помислиш „Ех, требаше да...“ на тоа додади „...но, можеби така ќе ме прегазеше камион“ и насмеј се.

М. Д. | Црнобело