Факти за легендарниот Бајага - не вози автомобил, сите љубовни песни ги напишал за сопругата, со која е 32 години во брак

Со сопругата Емилија се 32 години во брак и имаат две деца, а најубавите љубовни песни и се посветени на неа. Не вози автомобил, а морал да запише „нуклеарна физика“ за да може да продолжи да се занимава со музика. Факти за Момчило Бајагиќ Бајага.

Момчило Бајагиќ Бајага (61) е еден од најпознатите музичари на Балканот, а иако веќе влезе во седмата деценија од животот тој сè уште креира и компонира нова музика. Како за себеси, така и за други музичари, но и за српските филмови.

Пред извесен период ја објави новата песна „Hotel Yugoslavija“ направена во соработка со групата E-play, а минатата година заедно со српскиот актер Милош Биковиќ ја испеаја песната „Darja“ на српски и на руски јазик, што брзо стана вистински хит, а зад себе има голем број песни и албуми.

Тој е еден од музичарите за кого нема голем број скандали и сочни детали, затоа што својот приватен живот го крие подалеку од очите на јавноста. За него се знае дека веќе 32 години е во среќен брак со сопругата Емилија, а нивната љубовна приказна трае подолго, затоа што претходно биле седум години во врска. Најголемиот број љубовни песни на Бајага ѝ се посветени токму на неа.

Во продолжение неколку интересни факти што можеби не сте ги знаеле за Бајага:

Родителите на Бајага биле воени лица, но не биле премногу строги. Татко му Живојин бил пилот, a со оглед на тоа што во тоа време авионите не биле сигурни, тој од младиот Момчило побарал само да не тргне по неговите стапки.

Иако претходно имал неколку обиди за да формира сопствен музички бенд, сериозно со музика ќе почне да се занимава во периодот кога бил четврта година од средното образование, кога почнал да свири на бас гитара за бендот Riblja Čorba.

Кога го завршил средното образование, за да може да продолжи со музичката кариера и да не мора да оди во војска Бајага морал да се запише на факултет. Пејачот неодамна откри дека за да добие потврда за војска одлучил да се запише на факултет за нуклеарна физика.

Бајага во Riblja Čorba ќе напише некои од најпознатите песни на бендот „Dva dinara druže“, Nemoj srećo, nemoj danas“, „Kazablanka“, „Evo ti za taksi“, а пред да си замине во 1984-тата година им ја подарил песната „Kad hodaš“, која е една од најпознатите балади на бендот.

По Riblja Čorba Бајага ќе ја продолжи кариерата со неговиот бенд Instruktori со кој и до ден денешен уште прават нова музика и полнат концертни сали.

Уште 4 факти на следната страна...