Држел секс-робинки, сопругата му е прва братучетка: Факти за скандалозниот султан на Брунеј

Кон средината на 90-тите мошне актуелен беше скандалот со братот на султанот на Брунеј, принцот Џефри, за кого се тврдеше дека имал сопствен харем во дворецот, каде се организирале вистински баханалии во кои учествувал и владетелот.

Односот помеѓу султанот и неговиот брат Џефри дополнително бил нарушен кога било откриено дека од кралската ризница исчезнале 16 милиони долари, а виновник бил Џефри. По ова, тој бил прогонет од земјата и му биле одземени сите титули.

Американката Џилијан Лорен ја објави автобиографската книга Some Girls: My Life in a Harem во која тврдеше дека на 18-годишна возраст додека се обидувала да започне актерска кариера завршила во харемот на Принцот Џефри и имала сексуални односи и со принцот, но и со султанот.

Поранешната Мис Калифорнија се обиде да поднесе тужба против султанот во 1998-та година и тврдеше дека 32 дена била држена како секс-робинка во палатата на султанот. Таа тврдеше дека се случувало во палатата да има од 30 до 100 жени.

Вели дека дел од нив знаеле дека треба сексуално да ги задоволуваат клиентите, но голем дел од жените, меѓу кои била и самата таа верувале дека треба да бидат само промоторки за плата од 3.000 долари дневно.

Б. С. Б. | Црнобело