Спиел со над 2.000 жени, има пет деца, а стравува дека ќе остане целосно сам – Факти за бурниот живот на Џек Николсон

Пред 12 години Џек даде интервју во кое отворено говореше за себеси. Велеше дека сè уште е див во срцето, но дека нештата повеќе не се исти.

„Чувствувам дека ме погоди биолошката гравитација. Не можам повеќе јавно да им се додворувам на жените. Но, тоа не е моја одлука, само веќе ми се чини дека не ми одговара на возраста.

Мажите треба да бидат искрени. Тие прават сè и одат секаде само за да имаат шанса да видат жени. Имаше мигови во мојот живот кога се чувствував неодолив за жените. Сега тоа веќе не се случува и тажен сум поради тоа“ – рече тој.

Џек Николсон бил пријател со Кит Ричардс од Rolling Stones, а за нивните луди забави се говорело доста. Самиот вели дека иако често знаел да остане на забави со алкохол, дрога и девојки, секогаш знаел како да се грижи за себеси.

„Сум се будел на дрвја, сум се будел додека висам на карпа, но секогаш сум знаел како да се грижам за себеси“ – вели тој.

Џек Николсон бил оженет само еднаш во животот. Во периодот од 1962-та до 1968-та година тој бил во брак со актерката Сандра Најт.

Една година откако стапиле во брак, парот ја добил ќерката Џенифер. По разводот Сандра и Џенифер се преселиле во Хаваи. Од неа Џек има два внука, Шон (25) и Дјук (22).

Најдолгата романтична врска на Џек била со 17 години помладата актерка Анџелика Хјустон. Таа во својата биографија вели дека се разделиле затоа што тој постојано ја изневерувал, а чашата ја прелеал мигот кога на романтична вечера по две децении врска таа очекувала тој да ја побара за жена, а актерот ѝ кажал дека ќе добие дете со друга жена.

Подоцна, во 2015-та година тој самиот ќе рече дека раскинувањето мошне го погодило на емотивен план, а светските медиуми пишуваа дека актерот стравува дека еден ден ќе умре сосема сам.

„Детинест сум и направив грешка“ – рече тој.

Освен ќерката Џенифер од единствениот брак, Џек има уште 4 други деца од различни врски: Кајлеб од врската со актерката Сузан Анспач, Хани со манекенката Вини Холман и Лорејн и Реј од врската со Ребека Брусард.

Б. С. Б. | Црнобело