Многу домови немаат топла вода, модата е многу важна – забавни факти за животот во Доминиканска Република

Ако некогаш одите во Доминиканска Република, важно е да знаете дека овде бакшишот е многу важен. Ако јадете во ресторан мора да им оставите бакшиш на келнерите, но очекувано е да им дадете мал бакшиш и на луѓе кои ќе ви помогнат за што било.

Доминиканска Република е земја во Карипското Море на островот Хиспаниола. Овде живеат околу 9 милиони луѓе чиј начин на живот и секојдневни навики можат да бидат необични за нас.

Неколку забавни факти за животот во Доминиканска Република:

Во многу домови нема топла вода

Во многу домови, особено кај посиромашните семејства, нема топла вода, односно нема бојлер.

Наводно, топлата вода е луксуз кој можат да си го дозволат само побогатите луѓе. Покрај тоа, бидејќи времето е топло во текот на целата година, многумина не ни чувствуваат потреба од топла вода.

Оние кои немаат бојлери обично греат вода за да се избањаат.

Жените редовно посетуваат салони за убавина

Жените од Доминиканската Република редовно ги посетуваат салоните за убавина, и тоа не само за третманите што ги добиваат таму.

За нив, салоните за убавина се и место за социјализација.

Повеќето жени сакаат права коса

Иако голем број жени од Доминиканската Република имаат природна виткана коса, според тамошните стандарди за убавина, правата коса е многу попривлечна.

Сепак, времињата се менуваат и како на многу други места, и во оваа земја почнува да се негува природниот изглед, па сè повеќе жени се откажуваат од исправувањето на косата.

Модата е многу важна

Жителите на Доминиканската Република сметаат дека облеката е одраз на карактерот и успехот на една личност. Па, со задоволство купуваат поскапа облека од квалитетен материјал.

Многу девојки и жени сакаат и брендирана облека, особено од американски брендови.

Дофрлањето комплименти на улица е сосема нормално

Додека кај нас свиркањето и дофрлањето комплименти кон жените се смета за неучтиво, дури и вознемирувачко, во Доминиканската Република е сосема нормално.

Односно, штом на некој маж му се допадне некоја жена на улица, тој слободно ѝ го кажува тоа на цел глас.

Тргањето на погледот од соговорникот се смета за навреда

Локалците се многу пријателски настроени и отворени, па без проблем поставуваат лични прашања дури и на луѓе што ги гледаат првпат.

Истовремено, ако разговарате со некого и се оддалечите од него или го тргнете погледот, тоа може да се сфати како навреда.

Бабите често се грижат за децата

Бабите во Доминиканската република активно учествуваат во грижата и воспитувањето на нивните внуци.

Ако, пак, родителите се разведени, тие уште повеќе се вклучуваат во грижата за нивните внучиња.

Наместо автобуси, за јавен превоз се користат автомобили

За разлика од повеќето земји каде што јавниот превоз го сочинуваат автобуси, возови или трамваи, во Доминиканска Република се користат „јавни автомобили“.

Во овие автомобили има место за осум патници, а возачите минуваат одредена рута и застануваат по потреба.

Бакшишот е многу важен

Во Доминиканска Република е многу важно да оставате бакшиш, и тоа не само во ресторани.

Очекувано е да им дадете бакшиш на сите кои ќе ви направат некаква услуга, како таксист кој ќе ви ги извади торбите од автомобилот.

Спирова С. | Црнобело