„Човекот умира за пари, а птицата за храна“ - Турски мудри мисли кои се рефлексија на дамнешното животно и духовно искуство

Поговорките, односно мудрите мисли, без разлика на нивната земја на потекло во себе кријат посебна магија.

Просто, ги отвораат очите и срцето. Интригантно е да се размислува за тоа што живееле и доживеале луѓето, било добро или лошо, и што е тоа што ги инспирирало нивните мудри зборови.

Зборови кои нè инспирираат, нè мотивираат, некои од нив нè тераат да размислуваме, а животните лекции искажани преку нив со сигурност нѐ учат на прифаќањето на различни гледишта.

Турците веруваат дека духовното искуство на генерациите од памтивек се пренесува токму преку поговорките. Тие сметаат дека овие искуства ја потврдуваат нивната вредност само затоа што луѓето ги користеле и ги пренесувале од колено на колено и дека лекциите од овие извори и во иднина служат за поцелосно разбирање на животот на човекот, општеството и светот воопшто.

Во продолжение за вас издвојуваме 20 турски мисли кои се рефлексија на дамнешното животно и духовно искуство:

„Луѓето се пречекуваат според нивната облека, а се испраќаат според нивното знаење“.

„Оној што јаде со полн стомак, сам си го копа гробот со своите заби“.

„Најдобро патува оној кој знае кога да се врати“.

„Лекот лечи човек чија судбина сè уште не одредила да умре“.

„Човек кој поместува планини започнува со движење на камчиња“.

„Љубовта е како сенка, ако ѝ свртиш грб, те следи, ако трчаш по неа, бега“.

„Кога жената плаче, прашајте ја што сака“.

„Скромноста е придружник на успехот“.

„Ако не можете да гризете, не покажувајте ги забите“.

„Човекот умира за пари, а птицата за храна“

„Љубовта прави времето да помине, а времето прави љубовта да помине“.

„Господин е оној кој никогаш не престанал да биде дете во душата“.

„Како што црвите го уништуваат дрвото, така грижата го уништува човекот“.

„За вредноста на младоста дознаваме дури кога сме стари“.

„Во село каде што има премногу пејачи, утрото ќе доцни“.

„Среќата секогаш изгледа мала кога ја држите во раце, но изгубите ја и веднаш ќе сфатите колку е огромна и убава“.

„Ако ги замените оние со кои сте го започнале патувањето, со оние што сте ги сретнале на патот, тогаш ќе го изгубите и патот и вашите пријатели“.

„Вашите грешки се вашата сила. Дрвјата стојат посилно на кривите корени“.

„Човек мора да знае како да ја жртвува брадата за да си ја спаси главата“.

„Силниот оцет ѝ штети само на твојата чинија“.

„Вистинскиот пријател ја кажува и горчливата вистина“.

Мила М. | Црнобело