Морничава фотка: Зошто не треба да ги оставате очилата во автомобилот кога е сончево?

Пожарна служба од англиска област сподели фотка на која се гледа автомобил со изгорена внатрешност, а пожарот настанал бидејќи сопственикот оставил очила за сонце на контролната табла додека било сончево.

Морничава фотка споделена од страна на пожарната служба во Нотингемшир, Англија, е одличен потсетник да не ги оставате очилата во автомобилот на сончев ден.

На фотката споделена на официјалниот Твитер профил на пожарната се гледа изгорената внатрешност од автомобил.

На поцрнетото стакло има огромна дупка, дел од воланот е оштетен, а целата контролна табла е стопена.

„Сонцето беше силно, но внимавајте дека ова може да биде причина за пожар. Бевме да гаснеме пожар предизвикан од очила за сонце оставени на контролната табла.

Осигурajте се дека нема да поставувате рефлектирачки предмети на директна сончева светлина“, пишува во описот.

The sun has been strong but beware this can cause fire ⚠️

Earlier we attended a fire caused by sunglasses left on the dashboard.

Make sure you keep reflective objects out of direct sunlight ✅ pic.twitter.com/RFp2TaEFZL

— Nottinghamshire Fire and Rescue Service (@nottsfire) May 27, 2023

Во коментари, од пожарната појаснуваат дека инцидентот се случил на 27 мај, околу пет часот попладне.

Очилата оставени на контролната табла делувале како лупа – ги фокусирале сончевите зраци, а ова е сосема доволно за да настане пожар.

Па, имајте го на ум советот на пожарникарите и не оставајте очила или какви било предмети што рефлектираат на директна сончева светлина – ни во автомобилот, ни во вашиот дом.

Спирова С. | Црнобело