Заработува 175.000 евра неделно, а се шета со скршен iPhone – Ѕвездата на Ливерпул е најскромниот фудбалер

Јавноста го знае Садио Мане како напаѓач на фудбалскиот клуб Liverpool. Покрај тоа што многумина го сметаат за еден од најдобрите фудбалери ширум светот, изгледа дека Садио е и најскромниот.

Фудбалската ѕвезда дефинитивно има доволно пари да си купи не еден, туку стотици смартфони со заработката од 175.000 евра неделно.

Но сепак, пред некој ден фановите забележаа дека Садио користи телефон со скршен екран.

„Зошто би сакал 10 Ferrari автомобили, 20 дијамантски часовници или авиони? Изградив училишта, стадион. Им обезбедувам облека, обувки и храна на луѓето кои живеат во екстремна сиромаштија.

Немав образование и многу други нешта, но денес, со она што го заработувам благодарение на фудбалот, можам да им помогнам на моите луѓе“, изјави фудбалерот во една прилика.

Садио повеќепати ја има покажано својата скромност - минатата сезона веднаш после натпреварот на Liverpool и Leicester, тој беше забележан како ги чисти тоалетите во неговата локална џамија.

Можеби повеќе познати треба да почнат да го следат неговиот пример.

Спирова С. | Црнобело