Позитива на денот: Поштар, кој бил професионален фудбалер, држи часови на девојче кога минува пред нејзината куќа

Поранешен професионален фудбалер, кој сега е поштар, решил да му помогне на едно девојче да си го оствари сонот.

Според мајката на девојчето, откако ќерка ѝ открила дека поштарот бил професионален фудбалер, почнала секое утро да го прашува за совети. Тој, пак, без проблем ѝ ги давал. Но мајката воопшто не очекувала дека поштарот ќе одвои време за да ѝ покаже и некои трикови на нејзината ќерка.

Додека минувал пред нивната куќа, поштарот му рекол на девојчето да си ги земе патиките за да ѝ покаже некои трикови:

„Пред неколку недели, ќерка ми откри дека нашиот поштар бил професионален фудбалер и почна да го прашува за совети. Вчера, тој ѝ рече да си ги облече копачките и почна да ѝ покажува некои работи. Истото го направи и денес“, напишала мајката.

My daughter found out a couple of weeks ago that our mailman used to be a pro soccer player and started asking him for daily tips. Yesterday he told her to go get her cleats on and helped her run some drills. He did the same today. It was unbelievably sweet. from r/MadeMeSmile

„Секој ден му дававме ужина пред да почне ова, но сега дефинитивно ќе му купиме нешто посебно“, додала мајката за нивниот поштар.

Покрај мајката, и корисниците на Reddit се оставени без зборови од овој гест:

„Тој сигурно сака да држи часови. Веројатно ќерка ти му го разубавува денот исто како тој што ѝ го разубавува нејзе. Ова е одлично! Се надевам дека ќе продолжи“.

„Најголемата цел во животот е да му помогнете на некој друг“.

„Ова ми ги насолзи очите. Мојот поштар не е волку добар“.

„Колку прекрасна глетка. Ова ќе биде прекрасно сеќавање за неа“.

Спирова С. | Црнобело