Засрамен маж добил порака од соседите – учтиво го замолуваат да биде потивок кога има секс

Овој млад човек од Шкотска останал засрамен откако пред врата го дочекала учтива порака од неговите соседи кои го замолиле да биде потивок кога има секс.

Стефан Канингам (26) вели дека се виткал од смеење додека ја читал пораката, но и дека бил мошне засрамен кога ја добил:

„Се разбудив вчера наутро и пораката беше протната под мојата врата. Се разбудив во 8:30 па најверојатно ја оставиле многу рано за да бидат сигурни дека спијам. Не знам кој од соседите ми ја пратил пораката и искрено не сакам ниту да знам“ – изјави тој за Daily Record.

Во пораката што неговите соседи му ја протнале под врата пишува:

„Драг соседу, ова е само пријателска порака од твојот сосед да те потсетам дека ѕидовите на овие згради се тенки и дека звукот патува.

Иако сфаќаме дека е неизбежно да ги слушаме нашите соседи понекогаш, сакаме да ви дадеме до знаење дека слушаме повеќе отколку што треба. Сигурни сме дека ќе се согласите дека треба да имаме обѕир и да покажеме почит кон соседите, па не сакаме да ги споделуваме вашите интимни и приватни моменти.

Затоа, учтиво ќе ве замолиме ако можете да бидете потивки во текот на ноќта. Ве молиме имајте предвид дека имате соседи во зградата каде звукот патува.

Ви благодариме на разбирањето“.

Стефан ја сподели пораката на неговиот профил на Твитер. До неа напиша:

„Не сум јас тој што се разбуди со порака за потивок секс од соседите. Се срамам!“

Not me waking up to a “have sex quieter” note from my neighbours 😬😬😬 Mortified. pic.twitter.com/WmSDiCy5sE

— Stephen ✨ (@STRCunningham) May 14, 2021

Некои од неговите пријатели му порачаа да купи чепови за уши и да ги протне под сите врати на соседите, па така да го реши проблемот.

Б. С. Б. | Црнобело