Рецесиски шеги

Рецесијата почна да се чувствува и кај нас. Луѓето, кои се во паника, кои не се оптеретуваат, а нам не ни останува ништо друго освен економски да се нашалиме...

 

 

Кај нас ништо не успеало, па ни кризата нема да успее.

Долгорочна инвестиција е секоја краткорочна инвестиција која пропаднала!

Инвеститорот кога нарачува пица бара да му ја расечат на 8 парчиња наместо на 4, за пицата да му изледа поголема.

Статистичарот чија глава е замрзната и чии нозе чекорат по оган вели дека тој во просек се чувствува добро.

Доколку од некој економист побарате да ви го даде телефонскиот број, тој ќе ви даде приближна вредност.

Економистите предвиделе девет од последните четири рецесии.

Како да заработите еден милион денари на Македонската берза?
- Вложете два милиони!

Која е разликата помеѓу човек што загубил се во Лас Вегас и инвеститор на Вол Стрит?
- Вратоврската.

Знаете ли колку се евтини акциите овие денови? Денес Вол Стрит е преименуван во Вол Март Стрит. (Џеј Лено)
(Вол Март е синџир на супермаркети познат по ниските цени)

Претседателот Обама минатата недела го посети Сан Антонио, за да се сретне со тамошните сопственици на мали бизниси. Тоа беа сопствениците на Џенерал Моторс и Џенерал Електрик. (Џеј Лено)

Шетајќи низ компанијата директорот забележал еден работник како спие на бирото. Наместо да го разбуди, тој на мониторот му залепил мал лист на кој пишувало:
- Се додека спиеш ќе имаш работа, но штом се разбудиш отпуштен си!

Знаете ли што е врв на оптимизмот?
-Не.
-Врв на оптимизмот е кога директор ќе се ожени со својата секретарка и мисли дека се уште може да и диктира.

Бонус:
Директорот на новата секретарка:
-Дали сте задоволна од новата положба?
-Да, само пенкалото ме боцка страшно на грбот.

Менаџерот е личност која мисли дека девет жени можат да родат дете за еден месец!

Никогаш не купувај од богат продавач!

Не прави трикови со карти пред луѓето со кои играш покер!

Не претерувај работејќи за да заработиш за живот, а во меѓувреме всушност да немаш живот!

Никогаш не инвестирај во нешто што јаде!