10 српски твитови кои се доказ дека твитерџиите имаат уникатна смисла за хумор

„Ве молам намалете ги цените на храната и бензинот, немам тело за на OnlyFans“ и уште 9 кул шеги од српските твитерџии.

Слаѓан Кнежевиќ од Србија има Инстаграм профил со повеќе од 810.000 следбеници, каде споделува забавни српски твитови.

Дел од нив веруваме дека ќе ве насмеат до солзи:

„Некако сум згодно дебела, како некоја згодна мечка - не знам како да го објаснам тоа“.

„Почесто излегува нов iPhone, отколку јас“.

„Од зелен чај можеш да ослабеш единствено ако одиш пешки до Кина по него“.

„Тоа што јас правам за пријателите обично е работа на психолог и свештеник“.

„Уште никој од пријателите ме нема викнато да скокнеме од мост, како што ми велеше мајка ми (се мисли на поговорката: 'Ако сите скокаат и ти ли ќе скокнеш од мост?')“

„Личности кои мислат дека сум убава: мајка ми, баба ми и другарките на мајка ми и баба ми“.

„Син ми пишува домашна задача по математика, јас седам покрај него и се молам ништо да ме праша“.

„Ве молам намалете ги цените на храната и бензинот, немам тело за на OnlyFans (платформа за возрасни)“.

„Нас родителите нè тепаа што плачеме за да не плачеме, па оди ти после биди нормален“.

„Јас искрено ги сакам парите, но таа љубов ми е невозвратена“.

С. С. | Црнобело