„Ако си го продадеш автомобилот, бубрегот и душата - можеш да си купиш стан во Скопје, без парно“

„Собирав пари да си купам стан во Скопје, но не собрав доволно, па си купив куќа во Валенсија, на брдо покрај океан“.

Цените на недвижнините во Македонија, а особено во главниот град, екстремно се качени, а иста е ситуацијата и со кириите, па луѓето некогаш се жалат на таа тема, а некогаш и се шегуваат.

Шеги кои кружат на тема скапите цени на становите во Скопје:

„Собирав пари да си купам стан во Скопје, но не собрав доволно, па си купив куќа во Валенсија, на брдо покрај океан“.

„Оглас: Гарсоњера 35m2, цена: 90.000 eвра. Бонус: ако стоиш мирно, можеш да ја наречеш и спална“.

„Ако си го продадеш автомобилот, бубрегот и душата - можеш да влезеш во преговори за стан во Скопје без парно“.

„Стан на последен кат – греј се од таванот, капи се од покривот. 360° искуство...“

„Кирија: 500 евра. Плус струја, вода, интернет, воздух, и ако дишеш трипати неделно - плус за кислород“.

„Гарсоњера во Аеродром: 30m2, цена 80.000 евра. Реклама: Интимен простор со минималистички шарм. Реалност: Шкаф со прозорец“.

„Кога ќе кажеш дека сакаш стан во Центар, агентот автоматски те гледа како да си добил наследство од чичко во Америка“.

„‘Стан со панорамски поглед’ – гледаш право во ѕидот на соседот, ама ако се искачиш на стол, можеш да видиш дрво“.

„Еднаш прашав колку чини стан со две спални. Агентот ми одговори: ‘А вие лото играте?’“

„Оглас: ‘Простор идеален за млад брачен пар’ – превод: 37m2, нема прозорец и има сосед кој вежба свирење тапани“.

С. С. | Црнобело / фото: depositphotos.com