Виц: Не гази на патка!

Три жени загинале во сообраќајна несреќа и се нашле пред вратите на рајот. Ги дочекал Свети Петар и им рекол: - Добре дојдовте мои дами. Овде во рајот...

 

...имаме само едно правило – никогаш немојте да згазнете патка!

И ги вовел жените во рајот. Насекаде имало многу патки, практично било невозможно да се движиш, а да не нагазиш некоја од нив.

Трите жени се движеле многу претпазливо, но едната нагазила една од патките. Истиот момент стигнува Свети Петар со многу грд маж и го врзува за жената.

- Затоа што згазна на патка, твојата казна е да бидеш врзана за овој грд човек цела вечност.

Другите две жени откако го виделе ова биле уште попретпазливи, но наскоро една од нив згазила и убила една патка.

Повторно доаѓа Свети Петар со уште погрд маж и ги врзува еден за друг. И вели:

- Затоа што згазна на патка, твојата казна е да бидеш врзана за овој грд човек цела вечност!

Третата жена не сакала да го доживее она што го доживеале другите две.

Таа успеала месец дена да не згазне на ниту една патка, кога одеднаш стигнал Свети Петар со еден згоден убав маж и ги врзува еден за друг. Висок, мускулест, со бронзен тен... совршен.

Жената го прашува човекот:

- Се прашувам што направив за да бидам со вас врзана цела вечност!?

Човекот одговорил:
- Не знам за вас, ама јас згазнав на една патка!