Пијачка за сите

Една вечер во еден бар со тетеравење влегол еден пијаница, седнал на шанкот и му се обратил на барменот: - Дај по една пијачка за сите и за мене!

Барменот ги послужил сите, а сметката му ја дал на пијаницата – вкупно: $40 долари.

Но, пијаницата рекол дека нема пари да ја плати сметката, на што барменот многу се налутил, му удрил шлаканица и го исфрлил од барот.

Следната вечер се вратил пијаницата и повторно порачал пијалак за себе и за сите вклучувајќи го и барменот.

Барменот им наточил пијалак на сите и му ја дал сметката на пијаницата.

Пијаницата повторно рекол дека нема пари да ја плати сметката. Барменот повторно се налутил, го истепал пијаницата и го исфрлил надвор.

Третата вечер пијаницата повторно се вратил.

Нарачал пијалак за целиот бар, но не и за барменот.

„Што зарем мене нема да ме почестиш?“ - го прашал барменот.

Пијаницата му одговорил:

-„Аааа...не. Премногу си насилен кога ќе се напиеш“.