Самоубиство, предозирање, убиство: Деца генијалци чии животи завршиле трагично

Програмерскиот гениј Арон Шварц изврши самоубиство на само 26 години, додека истакнатата пијанистка Наталија Стрелченко беше убиена од нејзиниот љубоморен сопруг.

Често слушаме за деца генијалци кои се истакнуваат над другите и обично сме сигурни дека им претстои блескава иднина.

За жал, некогаш реалноста е многу посурова и токму генијалноста е причина за овие деца да водат тажни животи со трагичен крај.

Шест деца генијалци чии животи завршија трагично:

Арон Шварц

Арон Шварц беше компјутерски програмер кој почна да се истакнува во светот на информатичката технологија уште во тинејџерските години.

Роден во 1986-та, на само 12 години тој го креираше веб-сајтот – The Info Network – кој беше вид онлајн енциклопедија. То учествуваше и во пишувањето на кодовите кои направија револуција во интернетот.

На само 15 години успеа да се запише на Универзитетот Стенфорд, но ги напушти студиите по помалку од една година.

Арон е и една од личностите кои ја креираа популарната социјална мрежа Редит.

Користејќи го своето знаење, Арон стана хакер-активист кој честопати хакираше системи за да обелодени информации кои сметаше дека треба да бидат достапни за јавноста.

Сепак, бидејќи ова беше нелегално, Арон беше уапсен и осуден на 35 години затвор.

Во 2013-та, кога имаше само 26 години, програмерот се самоуби.

По трагичната смрт, неговото семејство откри дека Арон со години се борел со депресија, па ова, заедно со затворската казна, најверојатно биле причина да посегне по својот живот.

Роберт Пис

Роберт Пис бил роден во сиромаштија – неговите родители биле разделени, додека татко му бил дилер на дрога.

Сепак, мајка му го забележала неговиот потенцијал, па имала неколку работни места само за да може да го запише во добро училиште.

Кога Роберт наполнил седум години, татко му отишол во затвор за убиство.

По завршувањето на средното училиште, Роберт почна да го привлекува вниманието на јавноста поради својот интелект. Благодарение на ова, богат банкар му го плати целото школување на Универзитетот Јејл.

Tаму, Роберт студираше молекуларна биофизика и биохемија, а во 2002-ра дипломира со сите почести.

Но, додека студирал, Роберт продавал и марихуана – „бизнис“ со кој заработил над 100.000 долари.

По завршувањето на факултетот, Роберт продолжил со нелегалните активности и во 2011-та, на 30-годишна возраст, беше убиен додека правел зделка.

Пичес Гелдоф

Пичес Гелдоф беше колумнистка, водителка и модел, која ја почна кариерата уште во тинејџерските години.

Нејзината мајка, која беше водителка, почина од предозирање со хероин кога Пичес имаше само 11 години. Подоцна се дозна дека Пичес ја „наследила“ зависноста од мајка си.

Талентираната колумнистка почна да пишува за магазинот Elle на само 15 години, а веќе следната година пишуваше за The Guardian и The Telegraph.

Во меѓувреме, таа соработуваше со неколку телевизии, работеше како модел, а имаше и своја модна линија.

Но, во меѓувреме, Пичес редовно користела и хероин.

Таа самата имаше изјавено дека експериментирала со дрога, но во јавност никогаш не кажа колку сериозен бил нејзиниот проблем.

Во 2014-та, на само 25-годишна возраст, Пичес се предозира и почина.

Продолжува на следната страница...