Искрена објава на козметичарка: „Како изгледа моето лице со филтер и добро светло, а како во реалноста?“

Во вирално видео, козметичарка докажува дека она што го гледаме на социјалните мрежи е далеку од реалноста и покажува како навистина изгледа нејзиното лице без филтри и без добро светло.

Иако сме свесни дека она што го гледаме на Инстаграм и ТикТок е далеку од реалноста, сите сепак настојуваме да се споредуваме со нереалното совршенство.

Знаеме дека повеќето инфлуенсерки користат филтри и светло за да изгледаат беспрекорно, но без разлика, сепак сакаме совршена кожа како нивната.

Мими Веб е медицинска сестра, како и козметичарка сертифицирана за апликација на ботокс и филери.

На нејзиниот ТикТок профил што го следат над 40.000 корисници редовно споделува видеа за нега на кожа.

На едно од видеата, кое стана вирално, Мими покажува како изгледа нејзиното лице со добро светло и филтер, а како во реалноста, истакнувајќи дека „социјалните мрежи не се реални“.

На почетокот од видеото, лицето на Мими изгледа беспрекорно со филтер кој додава шминка и добро светло. Потоа таа го менува филтерот со посуптилен, па го гаси и светлото, па целосно го трга филтерот.

На крај, излегува на сонце и покажува како навистина изгледа нејзината кожа.

Во коментари, добива само поддршка со следбениците:

„Ова ја покажува твојата надворешна, но и внатрешна убавина“.

„Сериозно, ти благодарам“.

„Прекрасна си и природна“.

„Ти ги сакам искреноста и самодовербата“.

Погледнете го видеото: 

@missmimiwebb

#greenscreenvideo

♬ original sound - Mimi

Спирова С. | Црнобело