Што очекуваме vs. што добиваме во животот, низ забавни илустрации

Иако никогаш во животот не сме трчале, упорно се лажеме дека за викенд ќе станеме во 6 часот за да џогираме. И, секако, на крај спиеме до подоцна.

Сите имаме некакви очекувања од себе и доста често сме амбициозни со нашите планови, мислејќи дека можеме да се промениме преку ноќ.

Иако знаеме дека за вистинска промена е потребно време, одново и одново си кажуваме некои лаги и правиме планови што длабоко во себе знаеме дека нема да ги реализираме.

Неколку забавни илустрации што ги покажуваат нашите очекувања, наспроти реалноста:

Секоја вечер си велиме дека ќе се разбудиме порано, ќе си направивме здрав појадок и нема да брзаме за на работа. Во реалноста, повеќето стануваме во последен момент и повторно со брзање се подготвуваме и излегуваме од дома.

Секој ден си велиме дека после работа ќе одиме да трчаме или ќе одиме во теретана и ќе бидеме задоволни од себе. Во реалноста, или сме преморени после работа, или вежбањето ни е далеку од уживање како што си замислуваме.

Кога гледаме видеа со рецепти на Инстаграм се убедуваме дека е лесно да направиме што било. Но, кога ќе почнеме да готвиме сфаќаме дека можеби и немаме многу талент за готвење.

Влегуваме во продавница за облека убедени дека ќе го купиме само она што ни треба, но на крај секогаш завршуваме со уште 3-4 парчиња.

Продолжува на следната страница...