Кои лоши (и одвратни) навики на луѓето се штетни, а кои сепак не се така опасни?

Додека пцуењето може да ви помогне да се ослободите од негативните емоции, позајмувањето туѓа четка за заби носи безброј ризици по здравјето... Кои лоши навики се навистина лоши, а кои сепак не се толку опасни?

Пцуење, грицкање нокти, немиење раце – веројатно нема личност која нема барем една навика што генерално се смета за лоша, па и одвратна.

Додека дел од овие навики се нарекуваат лоши со причина и можат да ни наштетат, постојат и оние од кои не трпиме некои последици.

Британскиот медиум The Sun ги пренесува мислењата на доктор Дебора Ли во врска со лошите навики што се најчести.

Кои лоши навики не се толку негативни?

Пцуење

Од најрана возраст нè учат дека пцуењето е лошо и дека ова се зборови што никогаш не треба да ги користиме.

Сепак, на повеќето од нас ни се случило да кажеме некоја пцост, особено кога сме гневни.

Според д-р Дебора, пцуењето може да ни биде од корист.

„Интересно е, психолозите веруваат дека пцуењето е добро за нас. Ова е всушност начин да ги ослободиме потиснатите емоции. Ни помага да го контролираме гневот“.

Прескокнување туширање

Освен ако не се испотите од физичка активност или многу топло време, генерално доволно е да се туширате на секои два-три дена.

„Со секое туширање, ги отстрануваме природните масла кои ја штитат кожата. Со често туширање, кожата може да биде сува и да чеша, а алергените полесно да навлезат во нејзините слоеви, со тоа предизвикувајќи дополнителна иритација.

Кога многу често ја миете косата, се суши и станува кршлива. Скалпот може да стане сув и да ве чеша“.

Мокрење за време на туширање

Мокрењето додека се туширате освен што е малку одвратна навика, не може да предизвика проблем.

Сепак, некои експерти веруваат дека може да ги ослаби карличните мускули.

„Урината е стерилна, па не можете да фатите инфекција од тоа. Ако веќе имате инфекција, ќе го знаете тоа бидејќи симптомите секогаш се изразени.

Сепак, урината има непријатен мирис, па ако мокрите додека се туширате, ќе мора добро да се измиете“, вели д-р Дебора.

Кои лоши навики се навистина штетни?

Грицкање нокти

Голем дел од населението мака мачи со оваа навика која може да биде и штетна.

„Грицкањето може да резултира со искривување на ноктите и инфекции, хронично скратување на ноктите и префрлање на инфекции од дланките во устата.

Може да доведе и до инфекции со глисти, ешерихија коли и салмонела“, вели д-р Дебора.

Продолжува на следната страница...