Видео што ќе ве стопи: Девојче со многу љубов ја храни сестричката со аутизам

„Имам син со аутизам, па затоа се плашам да родам второ дете, но ова видео ми влева надеж“, „Колку голема љубов и среќа на нивните лица. Го гледам видеото неколкупати и солзите сами ми доаѓаат“ - видео во кое постарата сестра ја храни помалата сестричка која има аутизам предизвика многу емоции.

Деновиве на социјалните мрежи се споделува видео кое ќе ве стопи – девојче со многу љубов ја храни својата помала сестра која има аутизам.

Видеото го објави нивната мајка на Инстаграм и ТикТок.

„Кога имаш аутизам, а постарата сестра ти помага да ја држиш лажицата за да јадеш полесно. Ова е преслатко“ – напиша мајката.

На видеото коментираа многу луѓе кои и самите имаат деца со аутизам и со многу емоции коментираа за блискоста меѓу девојчињата и нежноста со која постарата сестра се грижи за помалата.

„Имам син со аутизам, па затоа се плашам да родам второ дете, но ова видео ми влева надеж“,

„Колку голема љубов и среќа на нивните лица. Го гледам видеото неколкупати и солзите сами ми доаѓаат“, пишува во коментарите.

Мајката, пак, која го уредува Инстаграм профилот Happyhandswith_hallie, постојано објавува видеа и фотографии од своите ќерки и сака да ја зголеми свеста за аутизмот.

Таа покажува и кои се првите знаци по кои родителите може да откријат дали нивното дете има аутизам, но и предизвиците и пречките со кои се соочуваат.

Сестрите и браќата на децата со потешкотии во развојот се нарекуваат „стаклени деца“ бидејќи и тие самите се соочуваат со тешкотии и растат побрзо, бидејќи и самите имаат голема улога во одгледувањето на својот брат или сестра.

Погледнете го емотивното видео:

А. Ј. | Црнобело