Исчезнала, па ја нашле мртва во подрумот – Кој ја убил Џо Бенет Ремзи, 6-годишна ѕвезда на натпревари за убавина?

Во 1996-та, 6-годишната Џо Бенет Ремзи отишла да спие. Но, во 5 наутро девојчето исчезнало, а мајка ѝ нашла порака од киднапери кои барале 118.000 долари за нејзиното враќање. Следниот ден, татко ѝ го нашол мртвото тело на Џо во подрумот. Повеќе од две децении подоцна, јавноста е убедена дека родителите ја убиле Џо, но полицијата нема никакви докази.

Убиството на 6-годишната Џо Бенет Ремзи од 1996-та до денес важи за една од најпознатите нерешени мистерии.

Кога исчезнала, најпрво се верувала дека е киднапирана, но само неколку часа подоцна била пронајдена мртва во нејзиниот дом.

Бидејќи Џо Бенет учествуваше на натпревари за убавина за деца и беше ѕвезда во САД, нејзиното убиство привлече огромно внимание и до денес многумина си го поставуваат прашањето – Кој ја убил и дали можеби виновниците се нејзините родители?

Џо Бенет Ремзи е родена во август 1990 година во Колорадо и до 6-годишна возраст имала освоено прво место на бројни детски натпревари за убавина во САД.

Во младоста, и мајка ѝ учествувала на натпревари за убавина, па таа инсистирала и Џо да го следи истиот пат.

Но, поради фотосесиите кои за многумина не се соодветни за 6-годишно девојче, по смртта на Џо, мајка ѝ била критикувана бидејќи ја експлоатирала ќерка си. Некои сметаат дека самата ја направила мета на педофили, а постои и верување дека девојчето е убиено од педофил.

На 24-ти декември 1996 година, Џо Бенет, заедно со родителите и брат ѝ, се подготвувала за прославата на Божиќ во нивниот дом.

Според исказите на родителите, Џо Бенет си легнала да спие и навидум сè било во ред.

Но, околу 5:30 часот наутро, мајка ѝ забележала лист хартија на скалите во домот. Кога го зела, сфатила дека е порака на која пишувало дека Џо е киднапирана, а киднаперите бараат 118.000 долари за да ја вратат. Киднаперите напишале и дека ќе им дадат повеќе информации во 10 часот наутро.

Мајка ѝ веднаш го разбудила татко ѝ, по што повикале полиција.

Кога пристигнале, полицајците ја пребарале куќата, но не го нашле девојчето.

Двајца детективи останале со родителите на Џо и чекале повик или каков било контакт од киднаперите.

Но, поминал 10 часот без киднаперите да пробаат да ги контактираат родителите.

Ова ѝ било чудно на едната детективка која била во домот, па му рекла на таткото уште еднаш да пребара низ домот, во случај да испуштиле нешто.

И, на големо изненадување на сите, кога тој се симнал во подрумот, таму го нашол мртвото тело на девојчето.

Џо била удрена на главата и задавена со најлонски конец.

Во подоцнежно сведоштво, татко ѝ изјави дека ја нашол завиткана во бело ќебе, за заврзани раце и залепена уста.

По ова, полицијата направила неколку големи грешки кои се верува дека имале влијание врз комплексноста на случајот – му дозволиле на таткото да го помести телото, не ги интервјуирале родителите посебно и дозволиле луѓе да влегуваат во куќата.

Некои од гостите на родителите, сакајќи да им помогнат, го чистеле домот, што значи најверојатно избришале отпечатоци и други потенцијални докази.

Продолжува на следната страница...