Што побогу правам овде?!

„Знам дека дојдов да земам нешто, но не можам да се сетам што...“ Ако некогаш ви се случила оваа ситуација, веројатно е дека сте го доживеале...

...феноменот познат како „ограничување на настаните“. Токму овој феномен е присутен кај оние луѓе кои ќе влезат во некоја просторија и потполно забораваат зошто дошле таму.

Истражувачите од Универзитетот НотрДам во Индијана заклучиле дека проаѓањето низ врата понекогаш може да предизвика губење на текот на свесноста.

Тоа значи дека, додека вие брзате да земете некој предмет во просторијата во која сте дошле, обидувајќи се да се сетите зошто сте таму, вашиот мозок веќе продолжил понатаму заборавајќи ја мислата која ве натерала да влезете во таа просторија.

Научниците уште не се сигурни заради што настанува овој феномен, но тврдат дека постојат неколку начини за да се справиме со истиот. Важно е секогаш да бидеме свесни и концентрирани на она што го правиме и да не се обидуваме да правиме повеќе работи во исто време.

Исто така, ако веќе морате да правите паралелно повеќе нешта, запишете си ги правете ги по разумен редослед.