Девојче со ретка болест изгледа како мала кукла - Прогнозирале дека ќе живее една година, а сега има 16

Според нејзината мајка, Ема Гарсајд, Шарлот е воин и шампион кога треба да прифати сѐ што носи нејзината состојба.

Девојчето поминало низ многу лекарски прегледи, тестови и скенирања и сето ова време било многу храбро.

Малата Шарлот многупати покажала дека прогнозите на нејзините лекари не се посилни од нејзината волја за живот.

Тие мислеле дека таа нема да живее подолго од една година, но летово го прослави 16-тиот роденден.

Досега чекори храбро низ животот, а нејзиното семејство е среќно што таа е дел од нивните животи.

Мајка ѝ Еми за медиумите многупати има изјавено дека уште кога се родила, знаела дека нејзината ќерка е посебна.

Во основно училиште развила остроумност, а нејзиниот бистар ум и моќ на забележување дошле до израз.

„Можеби изгледа како кукла, но е направена од цврсти материјали. Таа сака да трча низ куќата и да си игра со нас.

Луѓето што првпат ја гледаат се плашат дека ќе ја скршат ако ја допрат, но таа е прилично темпераментна и ни минута не седи мирно“, открива нејзината постара сестра.

На сите фотографии објавени на Фејсбук, Шарлот е насмеана, а она што особено ја краси е нејзиниот позитивен однос кон сѐ.

Под нејзините фотографии има многу коментари дека токму оваа необична девојка го прави овој свет многу поубав.

С. Ш. | Црнобело / фото: Фејсбук