Девојче со ретка болест изгледа како мала кукла - Прогнозирале дека ќе живее една година, а сега има 16

Девојчето кое по раѓањето тежело само 30 грама и било долго 25 сантиметри, денес е бестрашна млада дама која и понатаму им пркоси на лошите прогнози на лекарите. Таа има исклучително ретка болест поради што на 16 години изгледа како мала кукла.

Шарлот Гарсајд е 16-годишна млада дама која храбро им пркоси на сите лекарски прогнози, а нејзиниот живот е импресивен уште од првиот ден.

Уште со доаѓањето на овој свет во 2007 година, покажала дека е исклучително борбена.

Се родила тешка само 30 грама, а долга 25 сантиметри.

Нејзините родители Ема Њуман и Скот Гарсајд со нетрпение очекувале на свет да дојде нивното четврто дете.

Сè одело како што треба и семејството било во исчекување на новиот член, сè додека не се случило нешто непредвидено.

Имено, Ема се породила 4 недели пред терминот и родила девојче со ретко нарушување.

Според лекарите, типот на симптоми присутни кај Шарлот никогаш не биле видени заедно кај едно лице. 

Токму затоа експертите ѝ дале и официјално име на болеста.

Тие го нарекле синдромот „примордијална ахондроплазија“, многу ретка генетска форма на ахондроплазија, поради што нејзиното тело се развива многу побавно отколку што би требало.

Нејзините родители веднаш знаеле дека таа ќе биде посебна, дури и да се родела нормално. Кога имала две години, исто како и другите девојчиња, сакала да си игра со кукли Барби, со сѐ што било розово, како и со кадифени играчки.

На 2-годишна возраст достигнала висина од само 58 сантиметри и била премала за да носи големина на облека како нејзините врсници.

Не можела да носи ни облека специјално направена за предвремено родено бебе. Единствената облека што ѝ прилегала била облеката за кукли.

Пред да наполни три години, успеала да порасне доволно за да носи фустанчиња за новороденчиња.

Продолжува на следната страница...