Бизарната приказна за докторот кој оперирал жени без анестезија и на нив вршел гинеколошки експерименти

Вршел експерименти врз робинки. При операција не им давал анeстезија и морале да бидат во непријатна положба. Неговиот начин на лекување го згрози светот.

Џејмс Мерион Симс често се опишува како „пионер на гинекологијата“ од времето кога испитувањата на женските репродуктивни органи биле табу тема.

И покрај неговата репутација, неговите методи често се сметаат за крајно проблематични. 

По вежбањето во лекарска ординација и завршувањето на тримесечен курс и една година студирање на медицинскиот колеџ Џеферсон, Симс ја започнал својата медицинска кариера во Ланкастер. 

Откако ги изгубил првите двајца пациенти, тој се преселил во Монтгомери, Алабама, во потрага по нов почеток.

Во Монтгомери, Симс стекнал репутација меѓу богатите сопственици на плантажи и ги лекувал нивните робови. 

Робинките му биле пациентки

Симс користел афроамерикански робинки како пациентки за своите истражувања, а за време на зафатите не им давал никаква анeстезија, ниту аналгетик. 

Ваквиот пристап денес е вознемирувачки и неприфатлив. 

Важно е да се напомене дека одлуката на Симс да не дава анeстезија на афроамерикански пациенти не била нужно мотивирана од страв од потенцијални медицински компликации, туку од неговото верување дека црномурните мажи и жени не ја доживуваат болката на ист начин како и белите.

Симс, исто така, бил критикуван во тоа време поради давање предност на експериментите, наместо на давање терапија, како и за предизвикување неописливи страдања. 

За жал, не е евидентирано како самите жени ги доживувале овие зафати, бидејќи тогаш била потребна согласност од нивните сопственици, кои имале економска корист од нивното закрепнување, за да добијат лекарска помош.

Првата жена пациент

Првата пациентка што ја оперирал била 18-годишната Луси, која се породила неколку месеци пред прегледот и оттогаш не можела да го контролира мокрењето. 

Во текот на постапката, пациентите биле целосно голи и биле ставани во непријатна положба. 

Операцијата на Луси била исклучително болна, па дури и други лекари присуствувале и ја следеле процедурата. 

Според белешките на Симс, „агонијата на Луси била неподнослива“.

За жал, поради компликации од операцијата, Луси добила труење на крвта и закрепнала дури по неколку месеци.

Раните операции на Симс не биле успешни, но по четири години експериментирање и триесет операции на 17-годишната робинка Анархија, тој успеал да ја „усоврши“ својата техника. 

Потоа почнал да применува анестезија и кај белите жени, што било новина во тогашната медицина.

Парите кои ги заработил ги искористил за изградба на болница со осум соби во центарот на комерцијалната област Монтгомери, додека повеќето медицински прегледи биле извршени на плантажите. 

Операцијата се користела само за сериозни повреди и болести на пациентите.

Статуите на Симс предизвикале протести

Статуите на Симс биле поставени, во Централ парк во Њујорк, Државната куќа во Јужна Калифорнија и пред неговото старо медицинско училиште, Универзитетот Џеферсон, во Филаделфија.

По неколкугодишни протести, статуата во Филаделфија била преместена во складиште, а статуата на Централ Парк била отстранета на 17 април 2018 година.

С. Ш. | Црнобело / фото: Пинтерест