На 10-годишна возраст киднапирале и сурово убиле дете – Каде се денес едни од најмладите убијци во историјата?

Пругата на којашто било најдено телото

Бидејќи малиот Џејмс веќе бил пријавен за исчезнат, полицијата брзо стигнала до снимките од безбедносната камера во трговскиот центар.

Сега им останувало уште да го откријат идентитетот на децата, а во тоа им помогнала жена која ги препознала.

На британските телевизии биле објавувани фотографии од убијците, а жената ги видела додека бегаат од училиште и ги познала.

Веднаш се јавила во полиција и Џон и Роберт биле приведени за испрашување.

Родителите на Џејмс кратко по откривањето на неговото тело

Првично полицајците мислеле дека децата само помогнале во киднапирањето, па за нив било вистински шок кога сфатиле дека тие се и убијците.

Децата биле испрашувани неколку дена и на почетокот негирале, но на крајот Џон признал, па и ги прашал полицајците дали ќе можат да ѝ се извинат на мајката на Џејмс.

Роберт, од друга страна, не признавал, но направил грешка кога во текот на испрашувањето кажал точно каква облека носел Џејмс на денот на смртта.

Со физичките докази, како крвавата облеката на децата, и испрашувањето, полицајците се увериле дека ги фатиле виновниците.

Гробот на Џејмс

Судењето почнало девет месеци подоцна, а пред судницата имало многу локалци кои барале и смртна казна за малите убијци.

Јавноста била особено згрозена од Роберт кој изгледал потполно ладнокрвно додека траело судењето.

Психијатрите утврдиле дека децата немаат проблеми со менталното здравје и можат да расудуваат погрешно од правилно. Ова, пак, го отежнало наоѓањето на мотивот за нивното злодело.

Поради тежината на случајот, на децата им се судело како да се возрасни.

Џејмс Булџер

Тие добиле неодредена затворска казна која требало да трае најмалку осум години. Дотогаш тие би наполниле 18 години, по што повторно би им се направила процена.

Доколку не претставувале закана за општеството, би биле ослободени.

Бидејќи во затворот не правеле проблеми, осум години подоцна, во 2001-ва, и двајцата биле ослободени.

По ослободувањето, на Џон и Роберт им бил доделен нов идентитет бидејќи надлежните стравувале дека ќе бидат нападнати од гневните локалци за да се одмаздат.

Но, едниот од нив повторно се судрил со законот.

Џејмс Булџер

Додека Роберт Томпсон уште се крие зад новиот идентитет и наводно досега не предизвикал никакви проблеми, Џон повторно е во затвор.

Во 2008 година бил уапсен најпрво за тепачка, а потоа за поседување кокаин.

Подоцна, пак, во неговиот компјутер била пронајдена порнографска содржина со малолетници.

Повторно бил затворен, но во 2013-та бил условно ослободен и добил уште еден нов идентитет.

Родителите на Џејмс

Во 2017-та, во неговиот лаптоп повторно биле најдени фотографии од деца и станало очигледно дека Џон е педофил, по што бил затворен.

Во 2020-та побарал ново сослушување за кое бил одбиен.

Но, во септември годинава се дозна дека побарал уште едно сослушување, а овојпат му било одобрено.

Сослушувањето е закажано за ноември и наводно постои можност тој уште еднаш да биде пуштен на слобода.

Спирова С. | Црнобело