Најчудните погребни обичаи во Србија: Цело село се кани на игранка, се играат ора

Луѓето област во Србија имаат чудни обичаи за време на погреби, особено кога ќе почине млад човек. Играат оро, ставаат глава од заклана кокошка во ковчегот и ги даруваат присутните верувајќи дека сето тоа ќе му се најде на покојникот на другиот свет. Дел од нивните обичаи повеќе не се практикуваат, но дел останале до денес.

Меѓу многуте различни обичаи во Србија, веројатно најчудни се оние во Тимочка Краина и тоа за време на погребите. 

Некои од нив веќе не се применуваат, но некои сѐ уште се почитуваат.

Луѓето од тој крај сведочат дека се случувало во ковчезите на покојниците да се стави кукла или глава од заклана кокошка доколу едно семејство изгуби два члена, со цел да се прекине „лошата среќа“.

„Смртта на покојникот повлекува многу обреди, верувајќи дека покојниот ќе има поудобен задгробен живот. Затоа и покојните се даруваат. Сѐ зависи од ситуацијата и од тоа колку се богати покојните.

Значи, се ставаат многу злато и часовници, телевизори во нивните мали гробни замоци, мобилни телефони и разновидни вредни работи. Зависи од село до село“, открива Златимир Пантиќ за српската телевизија Курир.

Тој додава дека е поинаку кога се закопува млад човек.

„Има голема разлика. На помладите им се посветува повеќе внимание, се организира и оркестар. 

Сè што сакал покојникот во текот на животот, му се приредува на погребот. 

А, за постарите помалку се води сметка. Погребот тогаш поминува во мир“, раскажува тој. 

Тој вели дека порано имало и сквернавење на гробовите.

Кога некој од постарите ќе го закопале со златни заби, се случувало разбојници да дојдат и да го откопуваат.

Тоа не е забележано во скоро време.

Интересно е што дури и се танцува на погреби во овој крај.

За покојните се организира голема игранка во центарот на селото и за таа цел се повикува оркестар.

Сите присутни добиваат одредени дарови и им се дава свеќа, да ѝ се најде на душата на покојникот.

Такво нешто се организира за некој што починал млад, но го применуваат и побогатите.

На овие игранки е покането цело село.

Многу се вложува во задгробниот живот затоа што народот верува дека човекот на тој свет ќе помине цела вечност и тоа што ќе биде дарувано за него на овој, ќе му се најде на покојникот на „оној свет“.

С. Ш. | Црнобело / фото: pexels.com