Жолто Фиќо „лета“ со 150km/h на автопат и стана хит на Инстаграм: „Нема ни сензори, ни регулатори, а вози“

„Нема DPF, нема EGR, нема електрични дизни, нема регулатор на притисокот, нема сензор за рачната, нема сензор за брегаста осовина, нема DSG менувач, нема ова, нема она, а 'шиба'“ - жолто Фиќо од Вараждин го воодушеви регионот.

Неодамна на Инстаграм страницата Balkan Gas беше објавено видео на кое „Фиќо“ вози со 150mk/h. Видеото стана вирално и ги воодушеви возачите од регионот.

Жолто Фиќо со регистарска табличка од Вараждин е најверојатно едно од последните што се возат во светот, стои во коментарите на видеото, бидејќи овој автомобил одамна не се произведува, а беше еден од најпопуларните во регионот пред околу 50 години.

Токму затоа видеото споделено на Инстаграм стана вирално, а регионот е воодушевен.

„Нема DPF, нема EGR, нема електрични дизни, нема регулатор на притисокот, нема сензор за рачната, нема сензор за брегаста осовина, нема DSG менувач, нема напред 16 алуминиумски рамења, нема одзади рачна електрична кочница, нема ова, нема она, а 'шиба'“, се слуша гласот на мажот кој го снимал видеото.

Тој покажува и дека Фиќото вози околу 150km/h.

„Ама има душа...“,

„Имав и јас Фиќо, никогаш не ме изневерило“,

„Има неколку преработени кај нас во град, сите летаат како стрели“,

„Како ли поминало на технички преглед?“, се коментира на Инстаграм.

Погледнете го видеото:

А. Ј. | Црнобело