Улични продавачи, џиновски стаорци – Сликите од Њујорк што ретко се објавуваат во јавност

Улични продавачи, џиновски стаорци, вреќи со ѓубре на тротоарите... Фотки што покажуваат дека да се живее во Њујорк и не е толку магично.

Кога станува збор за Њујорк, навикнати сме да гледаме магични фотки од Time Square или од Central Park, а ретко кој го прикажува вистинскиот изглед на градот.

Со над 8 милиони жители, градот претставува едно од најгусто населените места во светот, а како што се наведува во колумна на New York Post, две години по ковид пандемијата, се чини дека освен зголемената човечка популација, се зголемил и бројот на џиновските стаорци што се шетаат низ улиците.

Авторката Кирстен Флеминг напиша колумна за градот во којшто живее, а во неа објави и повеќе фотографии што ретко кога имаме можност да ги видиме.

„Три години по ковид локдаунот, се чини дека градот изгледа уште полошо. Улиците пак се полни со луѓе, но има повеќе стаорци од луѓе.

Вреќите со ѓубре се натрупани на тротоарите, а низ SoHo има голем број објекти со графити.

Шестата авенија и Бруклинскиот мост денес наликуваат на средновековни базари на отворено“ – пишува таа.

Погледнете дел од фотките објавени во New York Post што прикажуваат една сосема поинаква страна на градот:

Б. С. Б. | Црнобело