5 причини зошто е добро да спиете на подот (како Јапонците)

Го подобрува држењето на телото, а може да ги намали и болките во грбот – кои се придобивките од спиењето на под, како Јапонците?

Добро познат факт е дека Јапонците преферираат да спијат на подот. Нивните традиционални кревети се познати како футони и претставуваат вид душек кој е директно поставен на подот.

Спиењето на ваков кревет е јапонска традиција стара илјада години, а од неа има и бројни здравствени придобивки.

Неколку причини зошто е добро да спиете на подот:

Намалена болка во грбот

Спиењето на потврда, рамна површина е одлично за грбот и може дури и да ја намали болката во оваа област.

Точно е дека спиењето на мек кревет е поудобно, но исто точно е и дека по некое време, душеците се вдлабнуваат и не нудат соодветна потпора.

Дури и експертите препорачуваат да не се спие на премногу мек душек.

Го подобрува држењето на телото

Бидејќи спиењето на потврда подлога ја дава потребната и правилната потпора на ’рбетот, по некое време може и да го подобри држењето на вашето тело.

Може да ја подобри циркулацијата

Кога спиете на потврда површина, тежината на телото е порамномерно распоредена.

Односно, не се создава непотребен притисок на одредени делови од телото.

Токму поради ова, може да се подобри циркулацијата на крвта.

Станувањето наутро може да биде полесно

Ретки се луѓето кои веднаш, без проблем стануваат од креветот штом ќе се разбудат.

Ако наутро ви е тешко да се одделите од креветот, можеби спиењето во јапонски стил ќе ви биде од помош.

Јапонските кревети не се удобни за излежување како меките душеци на коишто сме навикнати, што значи полесно ќе се натераме да станеме.

Може да биде поекономично

Јапонските футони се совршени за мали домови – зафаќаат помалку простор од кревет, а притоа можете да ги соберете кога ќе се разбудите.

Истовремено, тие се и поевтини од класичен кревет.

Кој не треба да пие на подот?

Сепак, и спиењето на подот не е за секого.

Не е препорачливо да спиете на подот доколку:

Имате алергии – на подот има повеќе прашина, па ако сте склони кон алергии, ова може да ви ги „активира“ симптомите.

Имате проблеми со коските – спиењето на подот може да создаде притисок на зглобовите и да ја влоши состојбата.

Спаѓате во постара група луѓе – со возраста, се намалува подвижноста, па спиењето на подот може да не ви биде најудобно, а и станувањето да ви биде потешко.

Навечер ви е многу ладно – ако спиете на подот, најверојатно ќе ви биде уште поладно.

Спирова С. | Црнобело