Ммм... вкусно зимско кафе

За љубителите на кафето, но и за оние кои не го консумираат редовно, ова е една слатка зимска варијанта која вреди да ја пробате. Се нарекува...

...зимско кафе, а се подготвува на следниот начин:

Потребни состојки:

• 50g чоколадо за готвење
• 300ml млеко
• 1 лажица кафеав шеќер
• ½ лажица цимет во прав
• 1 лажица кафе
• 200ml слатка павлака или шлаг

Начин на подготовка:

Млекото нека се свари и тргнете го од огнот. Додадете го чоколадото за готвење, шеќерот и циметот па вратете го садот на огнот и варете уште 5 до 10 минути со постојано мешање. Потоа, додадете го кафето и сето заедно варете го уште една минута. Додадете го шлагот или слатката павлака, лесно измешајте го и послужете го додека е топло.

На здравје!