Морничава исповед на жена: „Моите родители беа сериски убијци – ја убија и сестра ми“

„Сакав да побегнам од Англија во Австралија, но не ми дозволија влез во државата поради злосторствата на моите родители“, вели жена чии мајка и татко убиле најмалку 12 жени, а нивните тела ги криеле во подрумот.

Пред скоро 30 години, Роуз и Фред Вест од Англија беа осудени на доживотна казна затвор откако властите откриле вистински хорор во нивната куќа.

Брачниот пар свирепо убил 12 девојки и жени во нивниот дом, а телата ги криеле во подрумот.

И три децении подоцна, случајот ја згрозува британската јавност, а уште поужасно е што парот ја убил и нивната ќерка.

Фред и Роуз Вест 

Фред и Роуз имале неколку деца, од кои едната ќерка, Мае, сè уште е жива и денес има 52 години, а има и зборувано за нејзиниот тажен живот.

Иако Мае можеби се спасила, не значи дека нејзиното детство било лесно.

Напротив, Мае била жртва на физичко и сексуално малтретирање од страна на родителите кое дефинитивно оставило голема трага во нејзиниот живот.

Мае Вест фотографирана во 1994-та

Но, она што е можеби најчудно е што неодамна Мае откри дека била во контакт со мајка ѝ до пред 16-тина години.

Таткото на Мае, Фред, извршил самоубиство во затворот во 1995-та, но мајка ѝ до денес е зад решетки.

Сега, Мае открива дека била во контакт со мајка ѝ, но таа одлучила дека треба да престанат да комуницираат.

Мајка ѝ ѝ напишала писмо со кое само рекла дека е најдобро да не се во контакт.

Роуз со ќерка ѝ Мае

Во интервју со The Sun, Мае откри дека изминативе 30-тина години се обидува да живее колку-толку нормален живот, но и дека често размислува за нејзината мртва сестра.

„Многу се растажувам кога мислам на сестра ми Хедер – колку години би имала сега, каков живот би водела… Многу ја сакам.

Тоа што пораснав со родители како моите има влијаени врз мојот карактер. За мене поголем предизвик е да се справам со траумата што ми ја оставиле, отколку со тоа какви луѓе биле тие“.

Мае со сестра ѝ Хедер

Мае има и две деца, а вели дека помладиот син не знае ништо за нејзиното трауматично минато.

А, таа стравува дека кога-тогаш ќе дознае, бидејќи случајот е мошне познат во Англија.

„Сега е на возраст кога почнува да поставува прашања. Засега само му кажав дека татко ми е мртов и дека не зборувам со мајка ми.

Што се однесува до мене, подобро никогаш да не дознае, барем јас нема да му кажам“, вели Мае.

Мае фотографирана во 1994-та

Продолжува на следната страница...