Несреќи, бизарни трагедии: „Најпроколнатите“ богати и моќни семејства

Џеки Кенеди била „вплеткана“ во две проколнати семејства – семејството Кенеди на нејзиниот убиен сопруг, како и Оназис, семејството на нејзиниот втор сопруг.

Бројни богати и моќни семејства се соочиле со толку многу трагедии, што јавноста почнува да верува дека се проколнати.

Дури и луѓе кои не се суеверни, кога ќе ги сумираат бизарните несреќи и трагедии на овие семејства, почнуваат да се прашуваат дали можеби навистина станува збор за некакво проклетство.

Неколку моќни семејства за кои се верува дека се проколнати (и зошто):

Семејството Рокфелер

Рокфелер е едно од најбогатите семејства во САД, а неколку генерации на династијата се соочиле со секакви трагедии.

Џон Д. Рокфелер е оној кој го стекнал богатството на династијата, кога почнал да профитира во индустријата за нафта и станал првиот милијардер во светот.

Џон бил суров човек, па многумина мислат дека можеби и затоа семејството му е проколнато.

Џон Д. Рокфелер

Во 1951 година, неговата правнука извршила самоубиство заедно со нејзините две деца.

Една деценија подоцна, правнукот на Џон Рокфелер исчезнал во Папуа Нова Гвинеја и постојат верувања дека бил изеден од канибали.

Нешто помалку од 20 години подоцна, Џон Д. Рокфелер Трети загинал во сообраќајка.

Покрај тоа, во 150-те години откако Рокфелер ја почнал династијата, членовите на семејство се соочувале со депресија и сериозни проблеми со менталното здравје, афери, разводи…

Членови на семејството Рокфелер

Семејството Кенеди

Клетвата на семејството Кенеди е можеби најпознатата и како да стана дел од поп културата.

Сите знаеме за убиството на Џон Ф. Кенеди во 1963-та, додека беше претседател на САД.

Но, знаевте ли дека неговиот помлад брат, Роберт Ф. Кенеди, бил исто така убиен само пет години подоцна?

Џон Ф. Кенеди и Џеки

Во 1969-та, друг член на семејството направил сообраќајка во која загинал неговиот сопатник.

Во 1984-та, пак, внукот на поранешниот претседател на САД загинал во скијачка несреќа.

Во 2002 година, друг член на семејството беше обвинет за убиство.

А, можеби најтрагична е приказната за Розмери Кенеди на која ѝ била направена лоботомија, по што останала ментално и физички неспособна.

Членови на семејството Кенеди

Продолжува на следната страница...