Која е жената која е инспирација за Роуз од „Титаник“?
Беатрис била заљубена во индиски научник, но уште на почетокот на врската знаела дека нивната љубов е невозможна поради неговите конзервативни родители. Режисерот на Титаник се инспирирал од нејзината тажна љубовна приказна додека работел на филмот...
Беатрис Вуд e жената која била инспирација за ликот на Роуз од веќе култниот филм „Титаник“.
Беатрис е родена во 1893 година, а починала во 1998 година. Таа била американска уметница и една од уредниците на списанијата „The Blind Man“ и „Rongwrong“ во Њујорк.
Студирала уметност во Париз, а подоцна се занимавала со скулптура и грнчарство.
Беатрис потекнувала од богато, традиционално американско семејство, исто како и Роуз од филмот.
Уметноста на Беатрис Вуд била контроверзна за нејзиното време.
По земјотресот во Сан Франциско во 1906 година, семејството на Беатрис се преселило во Њујорк. И покрај силното противење на нејзините родители, Вуд инсистирала да продолжи кариера во уметноста.
Камерон ја прочитал нејзината биографија и од неа добил инспирација да го создаде главниот женски лик во неговиот легендарен филм.
Беатрис била заљубена во индиски научник, но уште на почетокот на врската знаела дека нивната љубов е невозможна поради неговите конзервативни родители.
Таа во 1972 година ја напуштила Индија и никогаш повеќе не го видела саканиот, а од него добила телеграма која ја знаела напамет и ја повторувала до крајот на животот.
Бродот „Титаник“ потонал во Атлантскиот Океан, на 15 април 1912 година, откако удрил во санта мраз за време на неговото прво патување од Саутхемптон, Англија до Њујорк.
Филмскиот режисер Џејмс Камерон сними филм инспириран од трагичниот настан, а она што го направи филмот еден од најгледаните на сите времиња е токму измислената љубовна приказна меѓу Џек и Роуз.
Беатрис изјавила дека никогаш не го гледала филмот „Титаник“, иако Камерон ѝ дал копија од него.
Беатрис Вуд никогаш не сакала да зборува за нејзината љубовна приказна, туку една година пред нејзината смрт во интервју за Firstpost, зборувала за времето поминато во Индија и нејзините успеси од тоа патување.
Беатрис Вуд починала девет дена по нејзиниот 105-ти роденден во Калифорнија.
Би можело да ве интересира:
