„Златни“ правила за удобно летање со авион, според стјуардеси

Ако ве болат ушите, купете тампони за уши и не ставајте вредни работи, како лаптоп и паричник, во делот за рачен багаж.

Летото е период на патување и многумина одлучуваат да одат на одмор со авион.

Но, летањето не е најудобниот начин за патување за сите патници, особено ако станува збор за подалечна дестинација.

Во продоложение неколку совети, но и правила кои ќе ви го направат летањето со авион поудобно:

Купете тампони за уши ако имате болка кога летате

Поради промената на воздушниот притисок, некои патници чувствуваат болка во ушите, особено при полетување и слетување.

Ако го имате овој проблем, можете да купите тампони за уши кои колку-толку ќе ја ублажат болката.

Не ставајте вредни работи во делот за рачен багаж

Вредните работи како телефон, паричник, лаптоп, пасош и слично секогаш ставајте ги во преградата пред вас, а не во делот за рачен багаж.

Најпрво, овде ќе ви бидат веднаш при рака. Покрај тоа, иако се случува ретко, некој може да ви украде нешто додека сте во тоалет.

Ставете налепници со ваши податоци на предмети како телефон

На предметите што ги носите со себе, а ви се важни, како телефон и паричник, ставете налепница со вашите податоци – име, презиме, број од личноста со којашто патувате...

На овој начин, доколу изгубите нешто, ќе биде многу полесно да ве лоцираат.

Не пробувајте да добиете седиште во подобра класа

Некогаш, поради разни околности се случува некој патник да добие можност да седи во повисока класа.

Но, не пробувајте сами да добиете вакво место.

Постојат патници кои мислат дека ако им дадат подарок на стјуардесите или им делат комплименти ќе добијат подобро седиште, но овие трикови не функционираат.

Па, немојте да им го трошите времето на стјуардесите.

Подгответе се однапред ако ви отрпнуваат нозете при летање

Кога станува збор за подолг лет, нормално е да почувствувате трнење на нозете.

За да го избегнете ова, најдобро е да се подготвите однапред – неколку дена хранете се поздраво, со многу овошје и зеленчук, а пијте и многу вода.

Ако често го имате овој проблем, купете и чорапи за компресирање.

Газираниот пијалак со мраз може да ја намали мачнината

Мачнината е еден од симптомите што може да се почувствуваат за време на летање.

Според стјуардесите, најдобриот лек во овој случај е газиран пијалак со мраз.

Можете и да побарате од стјуардесите мраз во крпа или нешто слично за да си го ставите на челото.

Или, само кажете им дека не се чувствувате добро и тие ќе знаат како да ви помогнат.

Најдобро користете своја тоалетна во тоалетот

Тоалетите во авионите се навистина валкани, а бактериите можат да завршат и на тоалетната хартија.

Затоа, најдобро носете си ваша хартија.

Исто така, дезинфицирајте ги рацете со средство, дури и откако ќе ги измиете, за да се осигурите дека сте ги уништиле сите штетни бактерии.

Спирова С. | Црнобело