10 од најопасните професии во светот (и колку работници загинуваат)

Собирачи на отпад

Иако нам ни изгледа како релативно безбедна работа, и собирачите на отпад се изложени на низа ризици.

Нивната задача не е само да го собираат отпадот, туку и да го носат во депонии, да го спремат за рециклирање и слично.

А, сето ова вклучува и работа со опасни машини.

Покрај тоа, овде е и ризикот да бидат изложени на опасни материи од отпадот.

Во просек, стапката на смртност изнесува околу 30 смртни случаи на 100.000 работници.

Рудари

Денес условите за работа на рударите се колку-толку подобрени, но ова сепак е опасна професија.

Работењето под земја е придружено со низа ризици како рушење на рудниците, експлозии и ослободување токсични гасови.

Покрај тоа, рударите постојано се изложени на вдишување прашина и разни токсични материи, што дополнително им го загрозува здравјето, а со тоа и животот.

Стапката на смртност за рударите изнесува околу 25 смртни случаи на 100.000 работници.

Земјоделци

Работата на земјоделците е напорна, а и тие честопати користат огромни машини каде ризикот од повреди е голем.

Истовремено, постои опасност од изложеност на опасни пестициди, а во зависност од локацијата, условите за работа на некои земјоделци се навистина тешки.

Во просек, забележани се 20 смртни случаи на 100.000 работници.

Камионџии

Камионџиите секогаш се изложени на ризик од сообраќајка.

Но, постојат и други опасности – неретко тие имаат набиени распореди, што значи не спијат доволно, а ова го зголемува ризикот од несреќи.

Секогаш постои ризик и да имаат неисправно возило, што исто така може да доведе до несреќа.

Забележани се нешто помалку од 20 смртни случаи на 100.000 работници.

Електричари и електрични инженери

Работењето со струја е опасно од очигледни причини.

А, можеби на најголем ризик се изложени инженерите и работниците кои работат на поставување, поправка и одржување далноводи.

Во ваквите ситуации, и најмалата грешка може да ги чини живот.

Стапка на смртност изнесува околу 20 смртни случаи на 100.000 работници.

Спирова С. | Црнобело