Места ширум светот со најмногу рестрикции за посетители (забранети се и за најмоќните лидери)

Капелата во којашто се верува дека се наоѓа ковчегот со 10-те божји заповеди е во Етиопија. Но, никој не смее да го види ковчегот, дури ни претседателот на државата.

Дури и најголемите авантуристи кои го пропатувале целиот свет не можат да посетат некои места на Земјата.

Ова се установи, згради во сопственост на моќни компании или, пак, природни резервати со огромно обезбедување, каде што влезот им е дозволен на многу мал број луѓе, некогаш и само еден.

Неколку вакви места во продолжение:

Сефовите на Банката на Англија (Bank of England), Лондон

Една од најмоќните институции во Обединетото кралство е, секако, Банката на Англија.

Во сефот на банката се наоѓаат над 5.000 тони злато кои се проценуваат на 200 милијарди фунти.

Освен обезбедувањето и вработените со овластување, како и кралот, никој не смее да влезе внатре.

А, за да се отворат вратите, потребни се три различни клуча.

Островот Суртсеј, Исланд

Суртсеј е вулкански остров кој се наоѓа на јужниот брег на Исланд и е ненаселен.

Притоа, островот има огромна значајност бидејќи некогаш бил пусто место на кое денес живеат околу 12 видови птици и фоки, како и некои видови растенија.

И, секако, луѓето имаат забрана да стапнат на островот.

Капелата на Заветниот ковчег, Етиопија

Според Библијата, Заветниот ковчег е всушност ковчегот во кој се наоѓаат двете камени плочи на кои се испишани 10-те божји заповеди.

А, според верниците, овој ковчег, кој денес би бил бесценет, се наоѓа во капела во Етиопија.

Ковчегот е затворен во капелата и никој не смее да го види, дури ни претседателот на Етиопија.

Ковчегот го надгледува само еден свештеник кој никогаш не ја напушта капелата.

Село на народот Јаномани, Бразил

Јаноманите се домородно население во Венецуела и Бразил.

Живеат во околу 250 различни села во близина на границата помеѓу двете земји, а денес има околу 35.000 Јаномани.

Едно од овие села немало контакт со надворешниот свет, па властите го штитат и не дозволуваат да биде посетено.

Продолжува на следната страница...