Била ѕвезда во Холивуд, татко ѝ ја убил на 10-годишна возраст: Тажниот и краток живот на актерката Џудит Барси

Во мај 1988-ма, кратко пред нејзиниот 10-ти роденден, Џудит се расплакала пред нејзиниот агент.

Тој веќе се сомневал дека нешто не е во ред, а по оваа сцена ја притиснал мајка ѝ да ја однесе кај професионалец.

Мајка ѝ Марија, исплашена, ја однела на детски психолог кој утврдил дека Џудит е жртва на физичко и психичко насилство и го пријавил случајот во служби за заштита на деца.

Марија ветила дека ќе се разведе од Џозеф и дека со Џудит ќе се преселат во друг град.

Па, Џозеф не бил осуден, случајот бил затворен и Џудит останала со родителите.

Мајка ѝ, пак, се плашела да ја почне бракоразводната постапка бидејќи не сакала да ја изгуби куќата и сè што поседува.

Но, ова ја чинело живот – и нејзиниот, и на ќерка ѝ.

На 27-ми јули 1988 година, од семејниот дом на Џудит се слушнале истрели и куќата почнала да гори.

Нивна сосетка, која знаела за ситуацијата во домот на Џудит, повикала полиција и, како што има изјавено, штом ги чула истрелите, ѝ станало јасно што се случило.

Кога пожарникарите влегле во куќата, во ходникот го виделе мртвото тело на Марија Барси.

Сопругот ја застрелал во главата и ја полил со бензин.

Слична глетка ги дочекала и во собата на малата Џудит, која била убиена на ист начин како мајка ѝ.

Во гаражата, тие го нашле телото на Џозеф Барси кој се застрелал самиот.

По трагичното убиство, јавноста остро ги критикуваше американските служби за заштита на деца бидејќи многу брзо го затвориле случајот, иако имале многу сведоци за насилството.

Нивната одбрана била само тоа дека Марија им ветила дека ќе се разведе од Џозеф.

По смртта на Џудит, актер кој го позајмува гласот во All Dogs Go to Heaven прашал дали може наново да го сними неговиот дијалог во една сцена.

Во сцената, ликот на Џудит се збогува со ликот на актерот.

Тој го снимал дијалогот гледајќи фотографија од Џудит и му биле потребни 70 обиди за да го сними без да се расплаче.

Сцената можете да ја погледнете во продолжение:

Спирова С. | Црнобело