Хит прирачник како да си го уништите животот (слатко ќе ве насмее)

„Не оди на доктор, игнорирај ги симптомите. Се чувствуваш уморно? Не грижи се, ти си во ‘најдобрите години’, стави го телото на ‘игнор’, научи го на памет...“

Кога ќе наполниме одреден број на години имаме и доволно искуство и памет и некако доволни сме си самите на себе.

Способни сме, знаеме што сакаме и немаме време за лажни зборови и исценирани насмевки.

Сепак, лесно можеме да си го уништиме животот. И убаво велат дека најчесто од главата си патиме.

Шеговит прирачник како да си го уништите животот најлесно:

Игнорирајте го своето тело

Не се гледај во огледало, не обрнувај внимание на симптомите кои ти се појавуваат и не оди на доктор.

Се чувствуваш уморно? Не грижи се, ти си во „најдобрите години“, стави го телото на „игнор“, научи го на памет.

Бидете достапни на сите секогаш

Исфрли го зборот „не“ од речникот, особено кога се во прашање потребите и желбите на другите луѓе.

Одморот е преценета работа, што ќе ти е, стави им се на услуга на другите 24/7.

Останете засекогаш во зоната на комфорот

Зошто да пробувате нови работи? Држете си се до рутината, дури и кога не сте задоволни – не го менувајте својот живот.

Води се од мотото дека секогаш може да биде полошо.

Живејте во виртуелниот свет

Во виртуелниот свет е забавата. Таму постојано следи каков раскошен тип на живот водат луѓето, споредувај се со нив, па наполни се со љубомора, па игнорирај го својот и онака здодевен живот.

Постојано самокритикувајте се

Биди си сам на себе најголемиот непријател – колку повеќе патиш, толку повеќе ќе зацврстиш.

Нервирај се за секоја брчка, килограм, седо влакно. Кажи им на другите дека си безвредена личност и најдобро е да се тргнат од тебе.

Не учете ништо ново

Повторувајте си дека учењето е за децата и вие немате потреба од тоа.

Тебе мозокот ти е преполн, зошто да се трудиш да учиш и да напредуваш, чекај си мирно пензија.

Отфрлете ја страста и радоста

Радоста е преценета, најважно е да се фокусираш на проблемите. Хоби? Тебе тоа не ти е потребно!

Најдобро  е да си седиш дома, да си гледаш телевизија, да заклучиш дека ти не си за големи работи и да си слушаш дневна доза политика и црна хроника на вести, уморен од животот.

Бонус:

Никако немој да се насмееш на овој список.

Не издржа? Се насмеа? Се препозна?

Ајде насмевни се... Зошто и најмалите работи во животот да не бидат причина за смеење – па дури и овој бизарен прирачник?

Насмевката е лек за сè, а твојот живот е во твоите раце.

Извор / фото: depositphotos.com