Го завршиле животот гушнати, еден покрај друг

Драгослав (89) и Верица (87) Јеремиќ, стара нераздвојна двојка која сите ја познавале во Крагујевац, соседна Србија, починале минатиот викенд...

...на ист ден, а најдени се како лежат гушнати образ до образ во својот стан.

Комшиите раскажуваат дека тие немале деца, а и не се дружеле многу со другите затоа што за неа и него постоел само партнерот. Останатите ги знаат како старецот со долг капут и бабата која оди секогаш потпрена на неговата рака. Последните месеци Драгослав се шетал сам затоа што Верица била болна.

Таа починала од срце, а сопругот бил пронајден легнат до неа со лицето потпрено на нејзиното. Најверојатно пробал да и помогне кога паднала. Не успеал и паднал покрај неа. Се претпоставува дека од шок и тага и тој починал од срце.

Нераскинлива е врската која постои меѓу двајца кои се сакаат толку многу и толку долго. Тие навистина не можат да живеат едни без други. Има вистина во изреката „Срце ме боли“. Докажано е дека болката и патењето за саканата личност во рецепторите на мозокот доведува до исти реакции како кај зависниците од дрога. Тоа е еден начин љубовна зависност од партнерот.

Ако т.н. емоционална инвестиција не може да се префрли на децата или на внуците, тогаш партнерските врски се уште посилни и тешко се преболува загубата.