Предупредувачки знаци дека сте пред нервен слом (и мора да преземете нешто)

Немате мотивација за ништо, а дури и најмалите проблеми ве тераат да плачете и да чувствувате гнев и фрустрација.

Иако таканаречениот нервен слом уште не е класифициран како ментално нарушување, сепак постои и предизвикува низа непријатни симптоми.

Нервниот слом е предизвикан од интензивен стрес, но и нетретирани ментални проблеми, како депресија и анксиозност.

Се карактеризира со чувства на безнадежност, страв, раздразливост, постојана грижа, но и проблеми со здравјето, како главоболка.

Пред да кулминира, нервниот слом предизвикува некои симптоми кои не треба да ги игнорирате.

Ако ги чувствувате, секогаш е добро да се консултирате со експерт кој ќе ви помогне да најдете решение.

Дел од предупредувачките знаци дека сте пред нервен слом:

Не можете да се справите ни со најмали проблеми

Штом ќе се јави некоја пречка, без разлика колку мала, ви се чини како да губите контрола.

И најмалите проблеми го гледате како катастрофа и ве разгневуваат ситници за кои сте свесни дека се безначајни.

Чувствувате физички и ментален замор

Без разлика колку спиете, секое утро се будите преморени.

Не можете да се натерате да станете од кревет и уште наутро едвај чекате да дојде ноќ и време за спиење.

Немате мотивација за ништо

Забележувате дека немате енергија, а ова трае извесен период.

Дури и кога станува збор за активности што ги сакате и хобија, никако не ви причинуваат задоволство.

Не можете да се натерате да направите нешто и забележувате дека не чувствувате страст кон ништо.

Одложувате обврски

Одењето на работа ви е вистинска тортура, а ги одложувате и домашните обврски.

Можеби ги прескокнувате и оброците, а ја запоставувате и личната хигиена.

Дури и што мразите што одложувате обврски, никако не можете да се натерате да ги завршите.

Имате проблеми со концентрацијата

Постојано мечтаете, мислите ви лутаат и не можете да се фокусирате на ништо.

Ви се чини дека мислите не ви се многу јасни и постојано правите грешки што обично умешно сте ги избегнувале.

Не чувствувате задоволство кога ќе завршите нешто

Постојано имате чувство дека она што го правите не е доволно и дури и кога ќе завршите нешто важно, кај вас нема никаков задоволство.

Се чувствувате како неуспешна личност и веќе немате ни светли погледи за иднината.

Чувствувате главоболка и проблеми со дигестијата

Константниот стрес може да се манифестира и физички.

Па, можеби чувствувате главоболки и проблеми со дигестијата и ви се чини дека и физичкото здравје не ви е во ред.

Плачете секој ден

И тоа, не плачете кога навистина има причина за тоа, туку речиси постојано чувствувате нагон за плачење.

И најмалите проблеми ве тераат да плачете и ова ви станало секојдневие.

Спирова С. | Црнобело