Од Јутјуб ѕвезди до осуденици: Детали за родителите кои ги малтретираа своите деца за интернет слава

Во 2017-та, Коди и Ема почнаа да живеат со мајка им, а во меѓувреме Хедер и Мајк објавија видео во кое се извинуваат за видеата и тврдат дека се „семејство со многу љубов“.

Мајк и Хедер сепак завршија на суд каде одговараа за запоставување малолетник, признаа вина и добија 5-годишна условна казна.

Тие добија забрана да споделуваат каква било содржина со Коди и сестра му Ема и доколку го прекршат условот, им се закануваше затворска казна од 10 години.

Сепак, веќе следната година, тие се вратија со нов канал – The FamilyOfFive – каде продолжија да објавуваат видеа со слична вознемирувачка содржина.

Но, дотогаш Јутјуб почна да ги забранува видеата со опасни предизвици и практични шеги, па каналот беше избришан кон средината на 2018-та.

По овој случај, Јутјуб дополнително ги заостри правилата за видеа во кои има деца.

Мајк и Хедер сепак не се откажуваа од намерата да бидат инфлуенсери, па направија свој веб-сајт каде што се плаќаше месечна членарина од пет долари.

На веб-сајтот продолжија да објавуваат видеа од нивното семејство.

Сепак, веќе ги изгубија фановите и во 2019-та открија дека ќе го избришат сајтот, заедно со сите видеа.

„За да можеме да закрепнеме од настаните во 2017-та, се согласивме да ги избришеме нашите видеа, дури и од нашиот веб-сајт.

За нашето добро, сметаме дека треба да паузираме од јавниот живот“, гласеше нивната изјава.

Мајк и Хедер не ја прекршија условната казна и денес се слободни.

Трите деца што останаа да живеат со нив, Џејк, Рајан и Алекс, денес имаат свој Јутјуб канал.

Во описот на каналот пишува:

„Да, ние сме децата од каналот DadyOfFive, но веќе не смеам деца.

Нашите родители беа неправедно обвинети за работи што не ги направија, но тогаш ја донесоа најдобрата одлука за нас“.

Коди и Ема се држат настрана од јавност, но во периодот кога Мајк и Хедер беа осудени, беше наведено дека од целата траума, претрпеле сериозни психолошки последици.

Прочитајте и: Не им давала храна, имале рани по телото – Која е јутјуберката од САД што беше уапсена за малтретирање на нејзините деца?

Спирова С. | Црнобело